บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 209.
Paṭijānāti. Yasmā panetaṃ 1- sotāpannassa phale ṭhitassa ñāṇaṃ na hoti, tasmā vimutti 2- nāma na hotīti codanatthaṃ puna sakavādī sotāpannassātiādimāha. Iminā upāyena sabbattha attho veditabboti. Vimuttikathāvaṇṇanā niṭṭhitā. ---------- 2. Asekkhañāṇakathāvaṇṇanā [421] Idāni asekkhakathā nāma hoti. Tattha yasmā ānandattherādayo sekkhā "uḷāro bhagavā"tiādinā nayena asekkhe jānanti, tasmā "sekkhassa asekkhañāṇaṃ atthī"ti yesaṃ laddhi seyyathāpi uttarāpathakānaṃ, te sandhāya pucchā sakavādissa, paṭiññā itarassa. Jānāti passatīti idaṃ attanā adhigatassa jānanavasena vuttaṃ. Gotrabhunotiādi heṭṭhimāya bhūmiyaṃ ṭhitassa uparūpariñāṇassa abhāvadassanatthaṃ vuttaṃ. Nanu āyasmā ānando sekkho "uḷāro bhagavā"ti jānātīti paravādī asekkho bhagavāti 3- pavattattā taṃ asekkhañāṇanti icchati, na panetaṃ asekkhaṃ, tasmā evaṃ patiṭṭhāpitāpi laddhi appatiṭṭhāpitāva hotīti. Asekkhañāṇakathāvaṇṇanā niṭṭhitā. ---------- 3. Viparītakathāvaṇṇanā [424] Idāni viparītakathā nāma hoti. Tattha "yvāyaṃ paṭhavīkasiṇe paṭhavīsaññī samāpajjati, tassa taṃ ñāṇaṃ viparītañāṇan"ti yesaṃ laddhi seyyathāpi andhakānaṃ, te sandhāya pucchā sakavādissa, paṭiññā itarassa, paṭhaviṃ nissāya uppannanimittañhi na paṭhavīyeva, tatra cāyaṃ paṭhavīsaññiṃ samāpajjati. 4- Tasmā viparītaṃ taṃ ñāṇanti 5- ayametassa adhippāyo. Tato sakavādī "lakkhaṇapaṭhavīpi @Footnote: 1 cha.Ma. yasmā pana taṃ 2 cha.Ma. vimuttaṃ 3 cha.Ma. asekhe bhagavati @4 cha.Ma. "paṭhaviṃ samāpajjatī"ti pāṭhā na dissanti 5 cha.Ma. viparītañāṇantiThe Pali Atthakatha in Roman Character Volume 55 Page 209. http://84000.org/tipitaka/read/attha_page.php?book=55&page=209&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4689&pagebreak=1 http://84000.org/tipitaka/atthapali/rm_line.php?B=55&A=4689&pagebreak=1#p209
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]