ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๑๐.

สสมฺภารปฐวีปิ นิมิตฺตปฐวีปิ ปฐวีเทวตาปิ สพฺพา ปฐวีเยว, ตาสุ ปฐวีติ
ญาณํ วิปรีตํ น โหติ. อนิจฺเจ นิจฺจนฺติอาทิวิปริเยโส ปน วิปรีตญาณํ นาม,
กินฺเต อิทํ เอตฺตเกสุ ๑- อญฺญตรนฺ"ติ โจเทตุํ อนิจฺเจ นิจฺจนฺติอาทิมาห. อิตโร
วิปลฺลาสลกฺขณาภาวํ สนฺธาย ปฏิกฺขิปติ, ปฐวีนิมิตฺตํ สนฺธาย ปฏิชานาติ.
     กุสลนฺติ เสกฺขปุถุชฺชนานํ ญาณํ สนฺธาย วุตฺตํ. อตฺถิ อรหโตติ
ปเญฺหสุปิ วิปลฺลาสลกฺขณาภาเวเนว ๒- ปฏิกฺขิปติ, ปฐวีนิมิตฺตํ สนฺธาย ปฏิชานาติ.
สพฺเพว ปฐวี โหตีติ ๓- สพฺพนฺตํ ปฐวีกสิณํ ลกฺขณปฐวีเยว โหตีติ ปุจฺฉติ.
สกวาที ตถา อภาวโต ปฏิกฺขิปติ. นนุ ปฐวี อตฺถิ, อตฺถิ จ โกจิ ปฐวึ
ปฐวิโต สมาปชฺชตีติ ปุจฺฉา สกวาทิสฺส. ตสฺสตฺโถ:- นนุ นิมิตฺตปฐวี อตฺถิ,
อตฺถิ จ โกจิ ตํ ปฐวึ ปฐวิโตเยว สมาปชฺชติ, น อาปโต วา น เตชโต
วาติ. ปฐวี อตฺถีติอาทิ "ยํ ๔- ยถา อตฺถิ, ตํ ตถา สมาปชฺชนฺตสฺส ญาณํ
วิปรีตํ โหติ, นิพฺพานํ อตฺถิ, ตมฺปิ สมาปชฺชนฺตสฺส สพฺพวิปริเยสสมุคฺฆาตนํ
มคฺคญาณมฺปิ เต วิปรีตํ โหตู"ติ ทสฺสนตฺถํ วุตฺตนฺติ.
                       วิปรีตกถาวณฺณนา นิฏฺฐิตา.
                           ----------
                         ๔. นิยามกถาวณฺณนา
     [๔๒๘-๔๓๑] อิทานิ นิยามกถา นาม โหติ. ตตฺถ โย ปุคฺคโล
สมฺมตฺตนิยามํ โอกฺกมิสฺสติ, ตํ "ภพฺโพ เอส ธมฺมํ อภิสเมตุนฺ"ติ ยสฺมา ภควา
ชานาติ, ตสฺมา "อนิยตสฺส ปุถุชฺชนสฺเสว สโต ปุคฺคลสฺส นิยามคมนาย ญาณํ
อตฺถี"ติ เยสํ ลทฺธิ เสยฺยถาปิ เอตรหิ อุตฺตราปถกานํ, เต สนฺธาย อนิยตสฺสาติ
@เชิงอรรถ:  ฉ.ม. เอเตสุ              ฉ.ม......ลกฺขณาภาเวน
@ ฉ.ม. สพฺเพว ปถวีติ         ฉ.ม. ยทิ ยํ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๑๐. http://84000.org/tipitaka/read/attha_page.php?book=55&page=210&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4713&modeTY=2&pagebreak=1 http://84000.org/tipitaka/atthapali/th_line.php?B=55&A=4713&modeTY=2&pagebreak=1#p210


จบการแสดงผล หน้าที่ ๒๑๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]