บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 215.
Taṃ jānituṃ na sakkāti paṭikkhepo itarassa, dutiyapañhe santatiṃ sandhāya paṭiññā tasseva. Paṭipāṭito bhaṅgaṃ passanto 1- bhaṅgānupassanāñāṇeneva 2- bhaṅgānupassanā- ñāṇaṃ passatīti tassa 3- adhippāyo. Tena ñāṇena ñāṇaṃ taṃ jānātītiādīsupi eseva nayo. Tena phassena taṃ phassantiādīnissa lesokāsaṃ nivāraṇatthaṃ vuttāni. Yampanetena laddhipatiṭṭhāpanatthaṃ nanu sabbasaṅkhāretiādi vuttaṃ, tattha nayato taṃ ñāṇaṃ diṭṭhaṃ hoti, na ārammaṇatoti adhippāyena paṭiññā sakavādissa. Tasmā evaṃ patiṭṭhitāpissa laddhi appatiṭṭhitāva hotīti. Paccuppannañāṇakathāvaṇṇanā niṭṭhitā. ------------- 10. Phalañāṇakathāvaṇṇanā [443-444] Idāni phale ñāṇakathā nāma hoti. Tattha "buddhāpi sattānaṃ ariyaphaluppattiyā dhammaṃ desenti sāvakāpīti iminā sāmaññena buddhānaṃ viya sāvakānampi tena tena sattena pattabbe phale ñāṇaṃ atthī"ti yesaṃ laddhi seyyathāpi andhakānaṃ, te sandhāya sāvakassāti pucchā sakavādissa, paṭiññā itarassa. Atha naṃ "yadi sāvakassa phale ñāṇaṃ atthi, yathā buddhā samānepi sotāpattiphale attano ñāṇabalena `ayaṃ ekabījī ayaṃ kolaṃkolo ayaṃ sattakkhattu- paramo'ti phalassakataṃ paññāpenti, kinte evaṃ sāvakopī"ti codetuṃ sāvako phalassakataṃ paññāpetīti āha, itaro paṭikkhipati. Atthi sāvakassa phalaparopariyattītiādi phale ñāṇassa atthitāya paccayapucchanatthaṃ vuttaṃ. Ayañhetthādhippāyo:- buddhānaṃ "idaṃ phalaṃ paraṃ, idaṃ oparan"ti evaṃ phalānaṃ uccāvacabhāvajānanasaṅkhātā phalā 4- paropariyatti nāma atthi. Tathā @Footnote: 1 Ma. passantoti 2 cha.Ma. bhaṅgānupassaneneva @3 cha.Ma. ayaṃ pāṭho na dissati 4 cha.Ma. phaleThe Pali Atthakatha in Roman Character Volume 55 Page 215. http://84000.org/tipitaka/read/attha_page.php?book=55&page=215&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4829&pagebreak=1 http://84000.org/tipitaka/atthapali/rm_line.php?B=55&A=4829&pagebreak=1#p215
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]