Tasmā taṃ 1- paṭikkhipati. Tena hīti yasmā saṅkhatā na hoti, tasmā asaṅkhatāti
laddhi. Idampana asaṅkhatabhāve kāraṇaṃ na hotīti vuttampi avuttasadisamevāti.
Nirodhasamāpattikathāvaṇṇanā niṭṭhitā.
-----------
6. Ākāsakathāvaṇṇanā
[460-462] Idāni ākāsakathā nāma hoti. Tattha tividho ākāso
paricchedākāso, kasiṇugghāṭimākāso, ajaṭākāsoti. "tucchākāso"tipi tasseva
nāmaṃ. Tesu paricchedākāso saṅkhato, itare pana dvepi 2- paññattimattā.
Yesampana "duvidhopi yasmā saṅkhato na hoti, tasmā asaṅkhato"ti laddhi
seyyathāpi uttarāpathakānañca mahisāsakānañca, te sandhāya ākāsoti pucchā
sakavādissa, paṭiññā itarassa. Sesamettha uttānatthamevāti.
Ākāsakathāvaṇṇanā niṭṭhitā.
------------
7. Ākāsosanidassanotikathāvaṇṇanā
[463-464] Idāni ākāso sanidassanotikathā nāma hoti. Tattha
yesaṃ tāḷacchiddādīsu ñāṇappavattiṃ nissāya "sabbopi ajaṭākāso sanidassano"ti
laddhi seyyathāpi andhakānaṃ, te sandhāya ākāso sanidassanoti pucchā
sakavādissa, paṭiññā itarassa. Atha naṃ "yadi sanidassano, evaṃvidho bhaveyyā"ti
codanatthaṃ rūpantiādi vuttaṃ. Cakkhuñca paṭiccāti pañhesu evarūpassa suttassa
abhāvena paṭikkhipitvā tulantarikādīnaṃ 3- upaladdhiṃ nissāya paṭijānāti. Dvinnaṃ
rukkhānaṃ antaranti ettha rukkharūpaṃ cakkhunā disvā antare rūpābhāvato
@Footnote: 1 cha.Ma. ayaṃ pāṭho na dissati 2 cha.Ma. itare dve 3 Ma. tulānantarikādīnaṃ
The Pali Atthakatha in Roman Character Volume 55 Page 220.
http://84000.org/tipitaka/read/attha_page.php?book=55&page=220&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=4943&pagebreak=1
http://84000.org/tipitaka/atthapali/rm_line.php?B=55&A=4943&pagebreak=1#p220
