ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๒๑.

อากาสนฺติ มโนทฺวารวิญฺญาณํ อุปฺปชฺชติ, น จกฺขุวิญฺญาณํ. เสเสสุปิ เอเสว
นโย. ตสฺมา อสาธกเมตนฺติ.
                  อากาโสสนิทสฺสโนติกถาวณฺณนา นิฏฺฐิตา.
                          -------------
                  ๑๐. ปฐวีธาตุสนิทสฺสนาตฺยาทิกถาวณฺณนา
     [๔๖๕-๔๗๐] อิทานิ ปฐวีธาตุ สนิทสฺสนาติอาทิกถา นาม โหติ. ตตฺถ
เยสํ ปาสาณอุทกชาลรุกฺขจลนานญฺเจว ปญฺจินฺทฺริยปติฏฺโฐกาสานญฺจ วณฺณายตนํ
กายวิญฺญตฺติกาเล หตฺถปาทาทิรูปญฺจ ทิสฺวา "ปฐวีธาตุอาทโย สนิทสฺสนา"ติ
ลทฺธิ เสยฺยถาปิ อนฺธกานํ, เต สนฺธาย สพฺพกถาสุ อาทิปุจฺฉา สกวาทิสฺส,
ปฏิญฺญา อิตรสฺส. เสสํ สพฺพตฺถ ปาลิอนุสาเรน เจว เหฏฺฐา วุตฺตนเยน จ
เวทิตพฺพนฺติ. ปฐวีธาตุ สนิทสฺสนาติ อาทึ กตฺวา กายกมฺมํ สนิทสฺสนนฺติ
ปริโยสานกถา.
                ปฐวีธาตุสนิทสฺสนาตฺยาทิกถาวณฺณนา นิฏฺฐิตา.
                        ฉฏฺโฐ วคฺโค สมตฺโต.
                            --------
                           ๗. สตฺตมวคฺค
                        ๑. สงฺคหิตกถาวณฺณนา
     [๔๗๑-๔๗๒] อิทานิ สงฺคหิตกถา นาม โหติ. ตตฺถ ยสฺมา ทามาทีหิ
พลิพทฺทาทโย วิย เกจิ ธมฺมา เกหิจิ ธมฺเมหิ สงฺคหิตา นาม นตฺถิ, ตสฺมา
"นตฺถิ เกจิ ธมฺมา เกหิจิ ธมฺเมหิ สงฺคหิตา, เอวํ สนฺเต เอกวิเธน รูปสงฺคโหติ-
อาทิ นิรตฺถกนฺ"ติ เยสํ ลทฺธิ เสยฺยถาปิ ราชคิริกานญฺเจว สิทฺธตฺถิกานญฺจ,
เต สนฺธาย อญฺเญนตฺเถน สงฺคหภาวํ ทสฺเสตุํ ปุจฺฉา สกวาทิสฺส, อตฺตโน



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๒๑. http://84000.org/tipitaka/read/attha_page.php?book=55&page=221&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4965&modeTY=2&pagebreak=1 http://84000.org/tipitaka/atthapali/th_line.php?B=55&A=4965&modeTY=2&pagebreak=1#p221


จบการแสดงผล หน้าที่ ๒๒๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]