บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 223.
3. Cetasikakathavannana [475-477] Idani cetasikakatha nama hoti. Tattha yasma phassikadayo nama natthi, tasma "cetasikenapi na bhavitabbam, iti natthi cetasiko dhammo"ti yesam laddhi seyyathapi rajagirikasiddhatthikanam, te sandhaya puccha sakavadissa, patinna itarassa. Sahajatoti sampayuttasahajatam sandhaya vuttam. Phassikati tadisam voharam apassantassa puccha paravadissa, kim voharena, yatha cittanissitakoti cetasiko, evam sopi phassanissitatta phassikoti vutte doso natthiti patinna sakavadissa. Sesam uttanatthamevati. Cetasikakathavannana nitthita. -------------- 4. Danakathavannana [478] Idani danakatha nama hoti. Tattha danam nama tividham cagacetanapi viratipi deyyadhammopi. "saddha hiriyam kusalanca danan"ti 1- agatatthane cagacetana danam. "abhayam deti"ti 2- agatatthane virati. "danam deti annam panan"ti agatatthane deyyadhammo. Tattha cagacetana "deti va deyyadhammam, denti va etaya deyyadhamman"ti danam. Virati avakhandanatthena lavanatthena va danam. Sa hi uppajjamana bhayabheravadisankhatam dussilyacetanam dati khandeti lunati vati danam. Deyyadhammo diyyatiti danam. Evametam tividhampi atthato cetasiko ceva dhammo deyyadhammo cati duvidham hoti. Tattha yesam "cetasikova dhammo danam, na deyyadhammo"ti laddhi seyyathapi rajagirikasiddhatthikanam, te sandhaya cetasikoti puccha sakavadissa, patinna itarassa. Atha nam deyyadhammavasena codetum labbhati puccha @Footnote: 1 an. atthaka. 23/122/240 (sya) 2 an. atthaka. 23/129/250 (sya)The Pali Atthakatha in Roman Character Volume 55 Page 223. http://84000.org/tipitaka/read/attha_page.php?book=55&page=223&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5009&modeTY=2&pagebreak=1 http://84000.org/tipitaka/atthapali/rm_line.php?B=55&A=5009&modeTY=2&pagebreak=1#p223
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]