บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 226.
Patijanati. Apicassa pancannam vinnananam samodhanam hotiti laddhi, tassapi vasena patijanati. Atha nam sakavadi pariyayassa dvaram pidahitva ujuvipaccanikavasena codetum kusaladipanham pucchati. Tatrapi kusalakusalanam ekakkhane 1- sampayogabhavam sandhaya patikkhipati. Paribhogamayam pana cittavippayuttam uppajjatiti laddhiya patijanati. Atha nam sakavadi suttena nigganhati. [486] Suttasadhane aramaropakadinam anussaranapatisankharanadivasena antarantara uppajjamanam pannam sandhaya sada punnam pavaddhatiti vuttam. Appamano tassa punnabhisandoti idampi 2- appamanaviharino dinnapaccayatta ca "evarupo me civaram paribhunjati"ti anumodanavasena ca vuttam, tam so paribhogamayanti sallakkheti. Yasma pana patiggahakena patiggahetva aparibhuttepi deyyadhamme punnam hotiyeva, tasma sakavadivadova balava, tattha patiggahakena patiggahiteti attho datthabbo. Sesam uttanatthamevati. Paribhogamayapunnakathavannana nitthita. ----------- 6. Itodinnakathavannana [488-491] Idani ito dinnakatha nama hoti. Tattha yesam "ito dinnena yapenti, peta kalakata 3- tahin"ti 4- vacanam nissaya "yam ito civaradi dinnam, teneva yapenti"ti laddhi seyyathapi rajagirikasiddhatthikanam, te sandhaya ito dinnenati puccha sakavadissa, patinna itarassa. Puna civaradivasena anuyutto patikkhipati. Anno annassa karakoti annassa vipakadayakanam kammanam anno karako, na attanava attano kammam karotiti vuttam hoti. Evam @Footnote: 1 cha.Ma. ekassekakkhane 2 cha.Ma. idam @3 cha.Ma. kalankata 4 khu.peta. 26/19/153The Pali Atthakatha in Roman Character Volume 55 Page 226. http://84000.org/tipitaka/read/attha_page.php?book=55&page=226&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5079&modeTY=2&pagebreak=1 http://84000.org/tipitaka/atthapali/rm_line.php?B=55&A=5079&modeTY=2&pagebreak=1#p226
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]