อรรถกถาเล่มที่ ๕๕ หน้าที่ ๒๓๘.

สกิจฺจเกน ภวิตพฺพนฺติ เตหิ ฆานาทีหิ เต คนฺธาทโย ฆายนฺติ สายนฺติ ผุสนฺติ. ^๑- ตํ ลทฺธึ นิสฺสาย ^๒- ปรวาที อามนฺตาติ ปฏิชานาติ. [๕๒๒] อตฺถิ ตตฺถ มูลคนฺโธติอาทีนิ ปน ปุฏฺโฐ อตฺถิภาวํ สาเธตุํ อสกฺโกนฺโต ปฏิกฺขิปติ. นนุ อตฺถิ ตตฺถ ฆานนิมิตฺตนฺติอาทิ สณฺฐานมตฺตสฺเสว สาธกํ, น อายตนสฺส, ตสฺมา อุทาหฏมฺปิ อนุทาหฏสมเมวาติ. ^๓- รูปธาตุยาอายตนกถาวณฺณนา นิฏฺฐิตา. ---------- ๘. อรูเปรูปกถาวณฺณนา [๕๒๔-๕๒๖] อิทานิ อรูเป รูปกถา นาม โหติ. ตตฺถ เยสํ "วิญฺญาณ- ปจฺจยา นามรูปนฺ"ติ วจนโต อรูปภเวปิ โอฬาริกรูปา นิสฺสิตํ ^๔- สุขุมรูปํ อตฺถีติ ลทฺธิ เสยฺยถาปิ อนฺธกานํ, เต สนฺธาย อตฺถิ รูปนฺติ ปุจฺฉา สกวาทิสฺส, ปฏิญฺญา อิตรสฺส. เสสเมตฺถ อุตฺตานตฺถเมวาติ. อรูเปรูปกถาวณฺณนา นิฏฺฐิตา. ------------ ๙. รูปํกมฺมนฺติกถาวณฺณนา [๕๒๗-๕๓๗] อิทานิ รูปํ กมฺมนฺติกถา นาม โหติ. ตตฺถ เยสํ กายวจีวิญฺญตฺติสงฺขาตํ รูปเมว กายกมฺมํ วจีกมฺมํ นาม, ตญฺจ กุสลสมุฏฺฐานํ กุสลํ, อกุสลสมุฏฺฐานํ อกุสลนฺติ ลทฺธิ เสยฺยถาปิ มหิสาสกานญฺเจว สมิติยานญฺจ, เต สนฺธาย กุสเลน จิตฺเตน สมุฏฺฐิตนฺติ ปุจฺฉา สกวาทิสฺส, ปฏิญฺญา อิตรสฺส. อถ นํ สเจ ตํ กุสลํ, ยฺวายํ สารมฺมณาทิเภโท กุสลสฺส ลพฺภติ, อตฺถิ เต โส ตสฺสาติ โจเทตุํ สารมฺมณนฺติอาทิ อารทฺธํ. ตตฺถ ปตฺถนา ปณิธีติ @เชิงอรรถ: ^๑ ฉ.ม. ผุสนฺตีติปิ อิจฺฉนฺติ ^๒ ฉ.ม. สนฺธาย @^๓ ฉ.ม. อนุทาหฏสทิสเมวาติ ^๔ ฉ.ม. นิสฺสฏํ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๓๘. http://84000.org/tipitaka/read/attha_page.php?book=55&page=238&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5356&modeTY=2&pagebreak=1 http://84000.org/tipitaka/atthapali/th_line.php?B=55&A=5356&modeTY=2&pagebreak=1#p238