ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๓๙.

เจตนาเยเวตํ เววจนํ. กุสลเจตนาเยว หิ ปกปฺปยมานา ปตฺถนาติ ปกปฺปนวเสน
ฐิตตฺตา ปณิธีติ จ วุจฺจติ. ปรโต ปน กุสเลน จิตฺเตน สมุฏฺฐิตา เวทนา
สญฺญา เจตนา สทฺธาติอาทีสุ เวทนาทีนญฺเญว เจตฺถ ปตฺถนา ปณิธีติ ลพฺภติ,
น เจตนาย. กสฺมา? ทฺวินฺนํ เจตนานํ เอกโต อภาวา, โสตปติตตฺตา ปน
เอวํ ตนฺติ คตาติ เวทิตพฺพา. รูปายตนนฺติอาทิ ปุริมวาเร "สพฺพนฺตํ กุสลนฺ"ติ
สงฺขิตฺตสฺส ปเภททสฺสนตฺถํ วุตฺตํ. เสสา สํสนฺทนนยา, วจีกมฺมนฺติกถา, ๑-
"อกุสเลน จิตฺเตน สมุฏฺฐิตนฺ"ติอาทิวิธานญฺจ สพฺพํ ปาลิอนุสาเรเนว เวทิตพฺพํ.
อสุจีติ ปเนตฺถ สุกฺกํ อธิปฺเปตํ. สุตฺตสาธนํ อุตฺตานตฺถเมวาติ.
                     รูปํกมฺมนฺติกถาวณฺณนา นิฏฺฐิตา.
                            ---------
                       ๑๐. ชีวิตินฺทฺริยกถาวณฺณนา
     [๕๔๐] อิทานิ ชีวิตินฺทฺริยกถา นาม โหติ. ตตฺถ เยสํ ชีวิตินฺทฺริยํ นาม
จิตฺตวิปฺปยุตฺโต อรูปี ธมฺโม, ๒- ตสฺมา รูปชีวิตินฺทฺริยํ นตฺถีติ ลทฺธิ
เสยฺยถาปิ ปุพฺพเสลิยานญฺเจว สมิติยานญฺจ, เต สนฺธาย ปุจฺฉา สกวาทิสฺส, ปฏิญฺญา
อิตรสฺส. นตฺถิ รูปีนํ ธมฺมานํ อายูติ ปเญฺห อุปาทินฺนรูปานมฺปิ ติณกฏฺฐาทีนมฺปิ
สนฺตานวเสน ปวตฺติเมว อายุ ฐิติ ยปนา ยาปนา อิริยนา วตฺตนา ปาลนาติ
อิจฺฉติ, ตสฺมา ปฏิกฺขิปติ. อตฺถีติ ปเญฺหปิ อิมินา การเณน ปฏิชานาติ. อตฺถิ
อรูปชีวิตินฺทฺริยนฺติ ปเญฺหปิ อรูปธมฺมานํ จิตฺตวิปฺปยุตฺตํ ชีวิตินฺทฺริย-
สนฺตานํ นาม อตฺถีติ อิจฺฉติ, ตสฺมา ปฏิชานาติ.
     [๕๔๑] รูปีนํ ธมฺมานํ อายุ อรูปชีวิตินฺทฺริยนฺติ ปเญฺห สตฺตสนฺตาเน
๓- รูปิโน วา ธมฺมา โหนฺติ อรูปิโน วา, ๓- สพฺเพสํ จิตฺตวิปฺปยุตฺตํ
อรูปชีวิตินฺทฺริยเมว อิจฺฉติ, ตสฺมา ปฏิชานาติ.
@เชิงอรรถ:  ฉ.ม. วจีกมฺมกถา   ฉ.ม. อรูปธมฺโม   ๓-๓ ฉ.ม. รูปีโน วา โหนฺตุ อรูปิโน วา



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๓๙. http://84000.org/tipitaka/read/attha_page.php?book=55&page=239&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5379&modeTY=2&pagebreak=1 http://84000.org/tipitaka/atthapali/th_line.php?B=55&A=5379&modeTY=2&pagebreak=1#p239


จบการแสดงผล หน้าที่ ๒๓๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]