บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 243.
[548] Nibbāne sukhānupassīti suttaṃ nibbāne sukhānupassanādibhāvameva sādheti, na ānisaṃsadassāvitāmattena saññojanānaṃ pahānaṃ, tasmā ābhatampi anābhatasadisamevāti. Ānisaṃsadassāvīkathāvaṇṇanā niṭṭhitā. -------- 2. Amatārammaṇakathāvaṇṇanā [549] Idāni amatārammaṇakathā nāma hoti. Tattha yesaṃ "nibbānaṃ maññatī"tiādīnaṃ padānaṃ 1- ayoniso atthaṃ gahetvā amatārammaṇaṃ saññojanaṃ hotīti laddhi seyyathāpi pubbaseliyānaṃ, te sandhāya pucchā sakavādissa, paṭiññā itarassa. Atha naṃ sace amatārammaṇaṃ saññojanaṃ, amatassa saññojaniyādibhāvo āpajjatīti codetuṃ amataṃ saññojaniyantiādimāha, itaro suttavirodhabhayena sabbaṃ paṭikkhipati. Iminā upāyena sabbavāresu attho veditabbo. Nibbānaṃ nibbānatoti āgatasuttaṃ 2- pana diṭṭhadhammanibbānaṃ sandhāya bhāsitaṃ, tasmā asādhakanti. Amatārammaṇakathāvaṇṇanā niṭṭhitā. --------- 3. Rūpaṃsārammaṇantikathāvaṇṇanā [552-553] Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi seyyathāpi uttarāpathakānaṃ, te sandhāya ārammaṇadvayassa 3- vibhāgadassanatthaṃ pucchā sakavādissa, paṭiññā itarassa. Sesamettha pālianusāreneva veditabbaṃ. Na vattabbanti pañhe @Footnote: 1 cha.Ma. ayaṃ pāṭho na dissati 2 cha.Ma. āhaṭasuttaṃ 3 cha.Ma. ārammaṇatthassaThe Pali Atthakatha in Roman Character Volume 55 Page 243. http://84000.org/tipitaka/read/attha_page.php?book=55&page=243&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5471&pagebreak=1 http://84000.org/tipitaka/atthapali/rm_line.php?B=55&A=5471&pagebreak=1#p243
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]