ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๔๓.

     [๕๔๘] นิพฺพาเน สุขานุปสฺสีติ สุตฺตํ นิพฺพาเน สุขานุปสฺสนาทิภาวเมว
สาเธติ, น อานิสํสทสฺสาวิตามตฺเตน สญฺโญชนานํ ปหานํ, ตสฺมา อาภตมฺปิ
อนาภตสทิสเมวาติ.
                    อานิสํสทสฺสาวีกถาวณฺณนา นิฏฺฐิตา.
                            --------
                       ๒. อมตารมฺมณกถาวณฺณนา
     [๕๔๙] อิทานิ อมตารมฺมณกถา นาม โหติ. ตตฺถ เยสํ "นิพฺพานํ
มญฺญตี"ติอาทีนํ ปทานํ ๑- อโยนิโส อตฺถํ คเหตฺวา อมตารมฺมณํ สญฺโญชนํ โหตีติ
ลทฺธิ เสยฺยถาปิ ปุพฺพเสลิยานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส.
อถ นํ สเจ อมตารมฺมณํ สญฺโญชนํ, อมตสฺส สญฺโญชนิยาทิภาโว อาปชฺชตีติ
โจเทตุํ อมตํ สญฺโญชนิยนฺติอาทิมาห, อิตโร สุตฺตวิโรธภเยน สพฺพํ ปฏิกฺขิปติ.
อิมินา อุปาเยน สพฺพวาเรสุ อตฺโถ เวทิตพฺโพ. นิพฺพานํ นิพฺพานโตติ อาคตสุตฺตํ ๒-
ปน ทิฏฺฐธมฺมนิพฺพานํ สนฺธาย ภาสิตํ, ตสฺมา อสาธกนฺติ.
                     อมตารมฺมณกถาวณฺณนา นิฏฺฐิตา.
                            ---------
                      ๓. รูปํสารมฺมณนฺติกถาวณฺณนา
     [๕๕๒-๕๕๓]  อิทานิ รูปํ สารมฺมณนฺติกถา นาม โหติ. ตตฺถ รูปํ
สปฺปจฺจยฏฺเฐน สารมฺมณํ นาม โหติ, น อญฺญํ อารมฺมณํ กโรตีติ อารมฺมณปจฺจยวเสน.
เยสํ ปน อวิเสเสน รูปํ สารมฺมณนฺติ ลทฺธิ เสยฺยถาปิ อุตฺตราปถกานํ,
เต สนฺธาย อารมฺมณทฺวยสฺส ๓- วิภาคทสฺสนตฺถํ ปุจฺฉา สกวาทิสฺส, ปฏิญฺญา
อิตรสฺส. เสสเมตฺถ ปาลิอนุสาเรเนว เวทิตพฺพํ. น วตฺตพฺพนฺติ ปเญฺห
@เชิงอรรถ:  ฉ.ม. อยํ ปาโฐ น ทิสฺสติ    ฉ.ม. อาหฏสุตฺตํ   ฉ.ม. อารมฺมณตฺถสฺส



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๔๓. http://84000.org/tipitaka/read/attha_page.php?book=55&page=243&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5471&modeTY=2&pagebreak=1 http://84000.org/tipitaka/atthapali/th_line.php?B=55&A=5471&modeTY=2&pagebreak=1#p243


จบการแสดงผล หน้าที่ ๒๔๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]