บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 247.
Cittanugatika na hoti, vinapi cittena pavattatiti yesam laddhi seyyathapi pubbaseliyanam, te sandhaya puccha sakavadissa, patinna itarassa. Atha nam "yadi tamsamutthapakam cittam na siya, phassadayopi tasmim khane na siyun"ti codetum aphassakassatiadimaha. Na bhanitukamotiadisu yasma annam bhanissamiti annam bhanantopi bhanitukamoyeva nama hoti, tasma na hevanti patikkhipati. [565] Nanu atthi koci annam bhanissamitiadisu civaranti bhanitukamo ciranti bhaneyya. Tattha annam bhanitukamatacittam, annam bhananacittam, iti pubbabhagacittena asadisatta nayathacitto 1- nama hoti, tenassa kevalam anapatti nama hoti, na pana ciranti vacanasamutthapakacittam natthi, iti acittaka sa vacati attham sandhaya patikkhipati. Imina udaharanena "nayathacittassa vaca"ti patitthapitapi appatitthapitava hotiti. Nayathacittassavacatikathavannana nitthita. ----------- 10. Nayathacittassakayakammantikathavannana [566-567] Idani nayathacittassa kayakammantikatha nama hoti. Tattha yasma koci annatra gacchissamiti annatra gacchati, tasma nayathacittassa kayakammam cittanurupam cittanugatikam na hoti, vinapi cittena pavattatiti yesam laddhi seyyathapi pubbaseliyanamyeva, te sandhaya puccha sakavadissa, patinna itarassa. Sesamettha hettha vuttanayeneva veditabbanti. Nayathacittassakayakammantikathavannana nitthita. ------------ @Footnote: 1 cha.Ma. ayathacittoThe Pali Atthakatha in Roman Character Volume 55 Page 247. http://84000.org/tipitaka/read/attha_page.php?book=55&page=247&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5561&modeTY=2&pagebreak=1 http://84000.org/tipitaka/atthapali/rm_line.php?B=55&A=5561&modeTY=2&pagebreak=1#p247
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]