Upapattesiyakkhandhānañca kiriyākkhandhānañca vasena vuttaṃ. Tattha paṭhamapañhe khandhalakkhaṇa-
vasena kiriyāvasena 1- ca pañceva nāma te khandhāti paṭikkhipati. Dutiyapañhe
purimapacchimavasena upapattesiyakiriyāvasena ca nānattaṃ sandhāya paṭijānāti. Dvinnampana
phassānaṃ cittānañca samodhānaṃ puṭṭho suttalesābhāvena paṭikkhipati.
Kiriyā cattāroti rūpena vinā kusalā vā akusalā vā cattāro gahitā.
Kiriyāñāṇanti paravādinā cakkhuviññāṇasamaṅgikkhaṇe arahato anuññātaṃ anārammaṇa-
ñāṇaṃ. Niruddhe maggo uppajjatīti pucchā paravādissa, aniruddhe anuppajjanato
paṭiññā sakavādissa. Mato maggaṃ bhāvetīti chalena pucchā paravādissa.
Yasmā pana paṭisandhito yāva cuticittā satto jīvatiyeva nāma, tasmā sakavādī
na hevanti paṭikkhipati.
Nirodhakathāvaṇṇanā niṭṭhitā.
-----------
2. Rūpaṃmaggotikathāvaṇṇanā
[573-575] Idāni rūpaṃ maggotikathā nāma hoti. Tattha yesaṃ
"sammāvācākammantājīvā rūpan"ti laddhi seyyathāpi mahisāsakasamitiyamahāsaṃghikānaṃ,
te sandhāya maggasamaṅgissāti pucchā sakavādissa, paṭiññā itarassa. Atha naṃ
"yadi te sammāvācādayo rūpaṃ, na viratiyo, yathā sammādiṭṭhādimaggo sārammaṇādi-
sabhāvo, evaṃ tampi rūpaṃ siyā"ti codetuṃ sārammaṇotiādimāha. Tattha paṭikkhepo
ca paṭiññā ca paravādino laddhivasena 2- veditabbā. Sesamettha uttānatthamevāti.
Rūpaṃmaggotikathāvaṇṇanā niṭṭhitā.
------------
@Footnote: 1 cha.Ma. kiriyavasena 2 cha.Ma. laddhianurūpena
The Pali Atthakatha in Roman Character Volume 55 Page 249.
http://84000.org/tipitaka/read/attha_page.php?book=55&page=249&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=5606&pagebreak=1
http://84000.org/tipitaka/atthapali/rm_line.php?B=55&A=5606&pagebreak=1#p249
