อรรถกถาเล่มที่ ๕๕ หน้าที่ ๒๕๔.

๘. สีลํนจิตฺตานุปริวตฺตีติกถาวณฺณนา [๕๙๕-๕๙๗] อิทานิ สีลํ น จิตฺตานุปริวตฺตีติกถา นาม โหติ. ตตฺถ น จิตฺตานุปริวตฺตีติ ภาสนฺตรเมว นามํ, เสสํ ปุริมกถาสทิสเมวาติ. สีลํนจิตฺตานุปริวตฺตีติกถาวณฺณนา นิฏฺฐิตา. ------------- ๙. สมาทานเหตุกกถาวณฺณนา [๕๙๘-๖๐๐] อิทานิ สมาทานเหตุกกถา นาม โหติ. ตตฺถ "อาราม- โรปา"ติกถาย ^๑- อตฺถํ อโยนิโส คเหตฺวา "สทา ปุญฺญํ ปวฑฺฒตี"ติ วจนโต "สมาทานเหตุกํ สีลํ วฑฺฒตี"ติ เยสํ ลทฺธิ เสยฺยถาปิ มหาสํฆิกานญฺเญว, เต สนฺธาย ปุจฺฉา สกวาทิสฺส, จิตฺตวิปฺปยุตฺตํ สีโลปจยํ สนฺธาย ปฏิญฺญา ปรวาทิสฺส. เสสํ ปุริมกถาสทิสเมวาติ. สมาทานเหตุกกถาวณฺณนา นิฏฺฐิตา. ------------- ๑๐. วิญฺญตฺติสีลนฺติกถาวณฺณนา [๖๐๑-๖๐๒] อิทานิ วิญฺญตฺติ สีลนฺติกถา นาม โหติ. ตตฺถ กายวิญฺญตฺติ, กายกมฺมํ, วจีวิญฺญตฺติ, วจีกมฺมนฺติ คหิตตฺตา "วิญฺญตฺติ สีลนฺ"ติ เยสํ ลทฺธิ เสยฺยถาปิ มหาสํฆิกานญฺเจว สมิติยานญฺจ, เต สนฺธาย วิญฺญตฺตีติ ปุจฺฉา สกวาทิสฺส, ปฏิญฺญา อิตรสฺส. อถ นํ ยสฺมา สีลํ นาม วิรติ, น รูปธมฺโม, ตสฺมา เตนตฺเถน โจเทตุํ ปาณาติปาตา เวรมณีติอาทิมาห. อภิวาทนํ ^๒- สีลนฺติอาทิ ยถารูปํ วิญฺญตฺตึ โส "สีลนฺ"ติ ปญฺญตฺติ, ^๓- ตํ อุทฺธริตฺวา ทสฺเสตุํ วุตฺตํ. @เชิงอรรถ: ^๑ ฉ.ม. คาถาย ^๒ ก. อภิวาทนาทีหิ ^๓ ฉ.ม. มญฺญติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๕๔. http://84000.org/tipitaka/read/attha_page.php?book=55&page=254&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5718&modeTY=2&pagebreak=1 http://84000.org/tipitaka/atthapali/th_line.php?B=55&A=5718&modeTY=2&pagebreak=1#p254