บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 257.
Vuccati, na cassa taṃ tena cittena sampayuttaṃ, tasmā "ñāṇaṃ cittavippayuttan"ti yesaṃ laddhi seyyathāpi pubbaseliyānaṃ, te sandhāya pucchā sakavādissa, paṭiññā itarassa. Atha naṃ "yadi te ñāṇaṃ cittavippayuttaṃ, cittavippayuttesu rūpādīsu aññataraṃ siyā"ti codetuṃ rūpantiādimāha, itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ paññattiṃ 1- icchati, tasmā paṭijānātīti. Ñāṇaṃcittavippayuttantikathāvaṇṇanā niṭṭhitā. ------------ 6. Idaṃdukkhantikathāvaṇṇanā [618-620] Idāni idaṃ dukkhantikathā nāma hoti. Tattha yesaṃ "lokuttaramaggakkhaṇe yogāvacaro idaṃ dukkhanti vācaṃ bhāsati, evamassa idaṃ dukkhanti vācaṃ bhāsato ca idaṃ dukkhanti ñāṇaṃ pavattatī"ti laddhi seyyathāpi andhakānaṃ, te sandhāya pucchā sakavādissa, maggakkhaṇe tathā vācābhāsanañca ñāṇappavattiñca sandhāya paṭiññā itarassa. Yasmā pana so sesasaccapaṭisaṃyuttaṃ vācaṃ puthujjanova bhāsati, na ca tassa tathā ñāṇaṃ pavattatīti 2- icchati, tasmā samudayādipañhesu paṭikkhipati. Rūpaṃ aniccantiādi dukkhapariyāyadassanavasena vuttaṃ, itaro pana sakasamaye tādisaṃ vohāraṃ apassanto paṭikkhipati. Īti 3- ca danti cātiādi yadi tassa dukkhe ñāṇaṃ pavattati, īkāra daṃkāra dukāra khakāresu paṭipāṭiyā catūhi ñāṇehi pavattatīti 4- dassetuṃ vuttaṃ. Itaro pana tathā na icchati, tasmā paṭikkhipatīti. 5- Idaṃdukkhantikathāvaṇṇanā niṭṭhitā. ---------- @Footnote: 1 cha.Ma. pavattiṃ 2 cha.Ma. ñāṇappavattīti 3 cha.Ma. iti @4 cha.Ma. pavattitabbanti 5 cha.Ma. iti-saddo na dissatiThe Pali Atthakatha in Roman Character Volume 55 Page 257. http://84000.org/tipitaka/read/attha_page.php?book=55&page=257&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5784&pagebreak=1 http://84000.org/tipitaka/atthapali/rm_line.php?B=55&A=5784&pagebreak=1#p257
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]