บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 26.
Ceva sattahi ca viññāṇadhātūhīti aṭṭhahi dhātūhi saṅgahitā, sesāhi khandhāyatanadhātūhi asaṅgahitā. Iminā upāyena sabbattha attho veditabboti. Sampayuttenasaṅgahitāsaṅgahitapadavaṇṇanā niṭṭhitā. --------------- 13. Terasamanaya asaṅgahitenasampayuttavippayuttapadavaṇṇanā [448] Idāni asaṅgahitenasampayuttavippayuttapadaṃ bhājetuṃ rūpakkhandhenātiādi āraddhaṃ. Tattha ye pañcame asaṅgahitenaasaṅgahitapadaniddese rūpakkhandhena sadisapañhā dhammā, ye ca arūpabhavena sadisā, teyeva uddhaṭā. Sesā pana na rūhantīti 1- na uddhaṭā. Vedanākkhandhena hi khandhādivasena rūpārūpadhammā asaṅgahitā honti, tesañca sampayogo nāma natthi, 2- yāni pana padāni na rūhanti, 2- tāneva sadisavissajjanehi saddhiṃ samodhānetvā uddhaṭāni. Tattha ye dhammā pucchāya uddhaṭadhammehi khandhādivasena asaṅgahitā, te yehi sampayuttā ca vippayuttā ca, tesaṃ vasena khandhādivibhāgo veditabbo. Tatrāyaṃ nayo:- rūpakkhandhena tāva viññāṇameva tīhi saṅgahehi asaṅgahitaṃ, taṃ vedanādīhi tīhi khandhehi dhammāyatanadhammadhātūsu ca vedanādīheva sampayuttaṃ, ekena rūpakkhandhena dasahi rūpāyatanarūpadhātūhi dhammāyatanadhammadhātūsu ca rūpanibbānadhammehi vippayuttaṃ. Taṃ sandhāya te dhammā tīhi khandhehītiādi vuttaṃ. Iminā nayena sabbattha attho veditabboti. Asaṅgahitenasampayuttavippayuttapadavaṇṇanā niṭṭhitā. -------------- @Footnote: 1 cha.Ma. ruhantīti 2-2 cha.Ma. yāni padāni ruhantiThe Pali Atthakatha in Roman Character Volume 55 Page 26. http://84000.org/tipitaka/read/attha_page.php?book=55&page=26&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=541&pagebreak=1 http://84000.org/tipitaka/atthapali/rm_line.php?B=55&A=541&pagebreak=1#p26
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]