ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๖๐.

ปฏิกฺขิตฺตํ. นนุ วุตฺตํ ภควตาติ สุตฺตํ ปุริมปจฺฉิมวเสน วตฺตมานสฺส สมาธิสฺส
อพฺโพกิณฺณตํ สาเธติ, น สนฺตติยา สมาธิภาวํ, ตสฺมา อสาธกนฺติ.
                       สมาธิกถาวณฺณนา นิฏฺฐิตา.
                           ----------
                       ๙. ธมฺมฏฺฐิตตากถาวณฺณนา
     [๖๒๗] อิทานิ ธมฺมฏฺฐิตตากถา นาม โหติ. ตตฺถ "ฐิตาว สา ธาตู"ติ
วจนํ นิสฺสาย "ปฏิจฺจสมุปฺปาทสงฺขาตา ธมฺมฏฺฐิตตา นาม เอกา อตฺถิ, สา
จ ปรินิปฺผนฺนา"ติ เยสํ ลทฺธิ เสยฺยถาปิ อนฺธกานํ, เต สนฺธาย ปุจฺฉา
สกวาทิสฺส, ปฏิญฺญา อิตรสฺส. อถ นํ "ยทิ ปรินิปฺผนฺนานํ อวิชฺชาทีนํ
อญฺญา ธมฺมฏฺฐิตตา นาม ปรินิปฺผนฺนา อตฺถิ, ตายปิ จ เต ธมฺมฏฺฐิตตาย
อญฺญา ฐิตตา ปรินิปฺผนฺนา อาปชฺชตี"ติ โจเทตุํ ตาย ฐิตตาติอาทิมาห, ปรวาที
เอวรูปาย ลทฺธิยา อภาเวน ปฏิกฺขิปติ. ทุติยํ ปุฏฺโฐ อนนฺตรปจฺจยตญฺเจว
อญฺญมญฺญปจฺจยตญฺจ สนฺธาย ปฏิชานาติ. เสสํ เหฏฺฐา วุตฺตนยตฺตา
อุตฺตานตฺถเมวาติ.
                     ธมฺมฏฺฐิตตากถาวณฺณนา นิฏฺฐิตา.
                         --------------
                       ๑๐. อนิจฺจตากถาวณฺณนา
     [๖๒๘] อิทานิ อนิจฺจตากถา นาม โหติ. ตตฺถ "อนิจฺจานํ รูปาทีนํ
อนิจฺจตาปิ รูปาทโย วิย ปรินิปฺผนฺนา"ติ เยสํ ลทฺธิ เสยฺยถาปิ อนฺธกานํ,
เต สนฺธาย ปุจฺฉา สกวาทิสฺส, ปฏิญฺญา อิตรสฺส. อถ นํ "ยทิ เต รูปาทโย
วิย อนิจฺจตา ปรินิปฺผนฺนา, ตสฺสาปิ อญฺญาย ปรินิปฺผนฺนาย อนิจฺจตาย
ภวิตพฺพนฺ"ติ โจเทตุํ ตาย อนิจฺจตายาติอาทิมาห. อิตโร ทฺวินฺนํ อนิจฺจตาย เอกโต



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๖๐. http://84000.org/tipitaka/read/attha_page.php?book=55&page=260&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5853&modeTY=2&pagebreak=1 http://84000.org/tipitaka/atthapali/th_line.php?B=55&A=5853&modeTY=2&pagebreak=1#p260


จบการแสดงผล หน้าที่ ๒๖๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]