3. Saddovipakotikathavannana
[636-637] Idani saddo vipakotikatha nama hoti. Tattha "so tassa
kammassa katatta upacitatta ussannatta vipulatta brahmassaro hoti"tiadini 1-
ayoniso gahetva "saddo vipako"ti yesam laddhi seyyathapi mahasamghikanam, tesam
"kammasamutthana arupadhammava vipakati namam labhanti, rupadhammesu panayam voharo
natthi"ti dassetum puccha sakavadissa, patinna itarassa. Sukhavedaniyotiadi "vipako
nama evarupo hoti"ti dassanattham vuttam. "so tassa kammassa"ti suttam
lakkhanapatilabhadassanattham vuttam. Mahapuriso hi purimakammassa 2- katatta suciparivaropi
hoti, na ca parivaro vipako, tasma asadhakametanti.
Saddovipakotikathavannana nitthita.
--------------
4. Salayatanakathavannana
[638-640] Idani salayatanakatha nama hoti. Tattha yasma salayatanam
kammassa katatta uppannam, tasma "vipako"ti yesam laddhi seyyathapi mahasamghikanam,
te sandhaya cakkhayatanam vipakoti puccha sakavadissa, patinna itarassa. Sesam
hettha vuttanayameva. Salayatanam vipakoti ettha manayatanam siya vipako, sesani
kevalam kammasamutthanani, na ca 3- vipako. Tasma asadhakametanti.
Salayatanakathavannana nitthita.
------------
5. Sattakkhattuparamakathavannana
[641-645] Idani sattakkhattuparamakatha nama hoti, tattha yasma
"sattakkhattuparamo"ti vuttam, tasma "sattakkhattuparamo puggalo sattakkhattuparamataya
@Footnote: 1 di.pa. 11/236/150 2 cha.Ma. kammassa
@3 cha.Ma. ayam saddo na dissati
The Pali Atthakatha in Roman Character Volume 55 Page 263.
http://84000.org/tipitaka/read/attha_page.php?book=55&page=263&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=5920&modeTY=2&pagebreak=1
http://84000.org/tipitaka/atthapali/rm_line.php?B=55&A=5920&modeTY=2&pagebreak=1#p263
