5. Nivutakathāvaṇṇanā
[665-667] Idāni nivutakathā nāma hoti. Tattha suddhassa suddhikiccā-
bhāvato 1- nīvaraṇehi nivuto ophuṭo pariyonaddho ca nīvaraṇaṃ jahatīti yesaṃ
laddhi seyyathāpi uttarāpathakānaṃ, te sandhāya nivutoti pucchā sakavādissa,
paṭiññā itarassa. Ratto rāgantiādi nivutassa nīvaraṇajahane dosadassanatthaṃ
vuttaṃ. Parisuddhe pariyodātetiādi vikkhambhanavisuddhiyā visuddhassa samuccheda-
visuddhidassanatthaṃ vuttaṃ. Tassa evaṃ jānatotiādi jānato passato āsavakkhayaṃ
dīpeti, na nivutassa nīvaraṇajahanaṃ, tasmā asādhakanti.
Nivutakathāvaṇṇanā niṭṭhitā.
-----------
6. Sammukhībhūtakathāvaṇṇanā
[668-670] Idāni sammukhībhūtakathā nāma hoti. Tattha sammukhībhūtoti
saññojanānaṃ sammukhībhāvaṃ tehi samaṅgibhāvaṃ upagato. Sesamettha nivutakathāsadisamevāti.
Sammukhībhūtakathāvaṇṇanā niṭṭhitā.
-----------
7. Samāpannoassādetikathāvaṇṇanā
[671-673] Idāni samāpanno assādetikathā nāma hoti. Tattha
"paṭhamaṃ jhānaṃ upasampajja viharati, so tadassādetī"tiādivacanaṃ 2- nissāya
"samāpanno assādeti, sā cassa jhānanikanti jhānārammaṇā hotī"ti yesaṃ
laddhi seyyathāpi andhakānaṃ, te sandhāya samāpannoti pucchā sakavādissa,
paṭiññā itarassa. Taṃ jhānaṃ tassa jhānassa ārammaṇanti pañhesu tasseva
tadārammaṇataṃ apassanto suttavirodhabhayena paṭikkhipati, "tadassādetī"ti vacanamattena
@Footnote: 1 cha.Ma. suddhakiccābhāvato 2 aṅ.catukka. 21/123/142
The Pali Atthakatha in Roman Character Volume 55 Page 270.
http://84000.org/tipitaka/read/attha_page.php?book=55&page=270&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6081&pagebreak=1
http://84000.org/tipitaka/atthapali/rm_line.php?B=55&A=6081&pagebreak=1#p270
