Cattari sattasattatirattimhi, tani ca kho yena kammuna patisandhi gahita,
tasseva annassa va katattati ayam sakasamaye vado. Yesam pana ekakammasambhavatta
sampannasakhavitapanam rukkhadinam ankuro viya bijamattam salayatanam matukucchismim
patisandhikkhaneyeva uppajjatiti laddhi seyyathapi pubbaseliyaparaseliyanam, 1- te
sandhaya salayatananti puccha sakavadissa, patinna itarassa. Sabbangapaccangitiadi
salayatane sati evarupo hutva okkameyyati codanattham vuttam. Matukucchigatassati
puccha paravadissa. Parato matukucchigatassa paccha kesati puccha sakavadissa.
Sesamettha uttanatthamevati.
Salayatanuppattikathavannana nitthita.
-----------
3. Anantarapaccayakathavannana
[693-697] Idani anantarapaccayakatha nama hoti. Tattha naccagitadisu
rupadassanasaddasavanadinam lahuparivattitam disva "imani vinnanani annamannassa
anantara uppajjanti"ti yesam laddhi seyyathapi uttarapathakanam, te sandhaya
cakkhuvinnanassati puccha sakavadissa, patinna itarassa. Sotavinnanam
ruparammanamyevati yadi cakkhuvinnanassa anantara uppajjeyya, vipakamanodhatu
viya ruparammanam siyati codanattham 2- vuttam. Cakkhunca paticca rupe ca uppajjati
sotavinnananti panhesu suttabhavena patikkhipitva anantaruppattim 3-
sallakkhento laddhivasena patijanati. Tanneva cakkhuvinnanam tam sotavinnananti
yatha pathamajavananantaram dutiyajavanam manovinnanabhavena tanneva hoti, kinte tatha
etampi dvayam ekamevati pucchati. Imina nayena sabbavaresu attho veditabbo.
@Footnote: 1 cha.Ma. pubbaseliyanam 2 cha.Ma. codetum 3 Si.,Ma. anantarapavattim
The Pali Atthakatha in Roman Character Volume 55 Page 274.
http://84000.org/tipitaka/read/attha_page.php?book=55&page=274&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6171&modeTY=2&pagebreak=1
http://84000.org/tipitaka/atthapali/rm_line.php?B=55&A=6171&modeTY=2&pagebreak=1#p274
