บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 277.
Kāmavitakkasaṅkhātaṃ kāmadhātuṃ sahajātavasena anuseti, kinte evaṃ rūparāgopi rūpadhātunti pucchati. Pariyāpannoti yathā ca so tividhāya kāmadhātuyā kilesakāmavasena pariyāpannattā kāmadhātupariyāpanno, kinte evaṃ rūparāgopi rūpadhātupariyāpannoti pucchati. Itaro panassa adhippāyaṃ asallakkhento kevalaṃ laddhivasena āmantāti paṭijānāti. Atha naṃ tamatthaṃ sallakkhāpetuṃ kusalavipākakiriyāsaṅkhātehi samāpattesiyādīhi saṃsandetvā 1- pucchituṃ samāpattesiyotiādimāha. Sesamettha yathāpālimeva niyyāti. Nanu kāmarāgotiādivacanampi kāmarāgasseva kāmadhātuyaṃ anusayabhāvañca pariyāpannatañca dīpeti, na itaresaṃ itaradhātūsūti. Pariyāpannakathāvaṇṇanā niṭṭhitā. ------------ 8. Abyākatakathāvaṇṇanā [706-708] Idāni abyākatakathā nāma hoti. Tattha vipākakiriyārūpa- nibbānasaṅkhātaṃ catubbidhaṃ abyākataṃ avipākattā abyākatanti vuttaṃ, diṭṭhigataṃ "sassato lokoti kho vaccha abyākatametan"ti 2- sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigataṃ abyākatanti laddhi seyyathāpi andhakānañceva uttarāpathakānañca, tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpālimeva niyyātīti. Abyākatakathāvaṇṇanā niṭṭhitā. ------------ 9. Apariyāpannakathāvaṇṇanā [709-710] Idāni apariyāpannakathā nāma hoti. Tattha yasmā puthujjano jhānalābhī kāmesu vītarāgoti vattabbo hoti, na pana vigatadiṭṭhikoti, @Footnote: 1 cha.Ma. saṃsanditvā 2 saṃ.saḷā. 18/792/479 (syā)The Pali Atthakatha in Roman Character Volume 55 Page 277. http://84000.org/tipitaka/read/attha_page.php?book=55&page=277&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6238&pagebreak=1 http://84000.org/tipitaka/atthapali/rm_line.php?B=55&A=6238&pagebreak=1#p277
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]