บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 278.
Tasmā diṭṭhigataṃ apariyāpannanti yesaṃ laddhi seyyathāpi pubbaseliyānaṃ, te sandhāya pucchā sakavādissa, paṭiññā itarassa. Sesamettha yathāpālimeva niyyātīti. Apariyāpannakathāvaṇṇanā niṭṭhitā. Cuddasamo vaggo samatto. ------------ 15. Paṇṇarasamavagga 1. Paccayatākathāvaṇṇanā [711-717] Idāni paccayatākathā nāma hoti. Tattha yo dhammo hetupaccayena paccayo, so yesaṃ hetupaccayena paccayo, tesaññeva yasmā ārammaṇānantarasamanantarapaccayena paccayo na hoti, yo vā ārammaṇapaccayena paccayo, so yasmā tesaññeva anantarasamanantarapaccayena paccayo na hoti, tasmā paccayatā vavatthitāti yesaṃ laddhi seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Sesamettha yathāpālimeva niyyātīti. Paccayatākathāvaṇṇanā niṭṭhitā. ------------- 2. Aññamaññapaccayakathāvaṇṇanā [718-719] Idāni aññamaññapaccayakathā nāma hoti. Tattha yesaṃ samaye "avijjāpaccayā saṅkhārā"ti ayameva tanti, "saṅkhārapaccayāpi avijjā"ti ayaṃ natthi, tasmā avijjāva saṅkhārānaṃ paccayo, na pana saṅkhārā avijjāyāti laddhi seyyathāpi mahāsaṃghikānaṃ, te sandhāya avijjāsaṅkhārādīnaṃ aññamaññapaccayatāpi atthīti dassetuṃ pucchā sakavādissa, paṭiññā itarassa. Avijjā saṅkhārenātiThe Pali Atthakatha in Roman Character Volume 55 Page 278. http://84000.org/tipitaka/read/attha_page.php?book=55&page=278&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6262&pagebreak=1 http://84000.org/tipitaka/atthapali/rm_line.php?B=55&A=6262&pagebreak=1#p278
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]