อรรถกถาเล่มที่ ๕๕ หน้าที่ ๒๘๑.

เยสํ ลทฺธิ เสยฺยถาปิ เหตุวาทานํเยว, เต สนฺธาย ปุจฺฉา สกวาทิสฺส, ปฏิญฺา อิตรสฺส. เสสํ ปุริมสทิสเมวาติ. ^๑- สญฺาเวทยิตกถาวณฺณนา นิฏฺิตา. ------------- ๘. ทุติยสญฺาเวทยิตกถาวณฺณนา [๗๓๐-๗๓๑] อิทานิ ยสฺมา สา โลกุตฺตรา น โหติ, ตสฺมา โลกิยาติ เยสํ ลทฺธิ เสยฺยถาปิ เหตุวาทานํ, เต สนฺธาย ปุจฺฉา สกวาทิสฺส, ปฏิญฺา อิตรสฺส. เสสํ ปุริมสทิสเมวาติ. ทุติยสญฺาเวทยิตกถาวณฺณนา นิฏฺิตา. ------------- ๙. ตติยสญฺาเวทยิตกถาวณฺณนา [๗๓๒] อิทานิ ยสฺมา "อสุโก มรณธมฺโม, อสุโก น มรณธมฺโม"ติ สตฺตานํ มรณธมฺมตาย นิยโม นตฺถีติ สญฺาเวทยิตนิโรธํ สมาปนฺโนปิ กาลํ กเรยฺยาติ เยสํ ลทฺธิ เสยฺยถาปิ ราคิริกานํ, เตสํ สมาปนฺนายปิ มรณธมฺมตาย มรณสมยญฺจ อมรณสมยญฺจ ทสฺเสตุํ ปุจฺฉา สกวาทิสฺส, ปฏิญฺา อิตรสฺส. อถ นํ ยสฺมา กาลํ กโรนฺตสฺส นาม มรณนฺติเกหิ ผสฺสาทีหิ ภวิตพฺพํ, ตสฺมา เตนากาเรน โจเทตุํ อตฺถีติอาทิมาห. อผสฺสกสฺส กาลกิริยาติอาทีนิ ปุฏฺโ เสสสตฺเต สนฺธาย ปฏิกฺขิปติ. วิสํ กเมยฺยาติอาทีนิ ปุฏฺโ สมาปตฺติอานุภาวํ สนฺธาย ปฏิกฺขิปติ. ทุติยวาเร สรีรปกตึ สนฺธาย ปฏิชานาติ. เอวํ สนฺเต ปน สมาปตฺติอานุภาโว นาม น โหติ, เตเนว น นิโรธํ สมาปนฺโนติ อนุยุญฺชติ. @เชิงอรรถ: ^๑ ฉ.ม. ปุริมกถาสทิสเมวาติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๘๑. http://84000.org/tipitaka/read/attha_page.php?book=55&page=281&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6330&pagebreak=1 http://84000.org/tipitaka/atthapali/th_line.php?B=55&A=6330&pagebreak=1#p281