[733-734] Na kālaṃ kareyyāti pucchā paravādissa. Atthi so niyāmoti
paravādissa pañhe pana yasmā evarūpo niyāmo nāma natthi, tasmā paṭikkhipati.
Cakkhuviññāṇasamaṅgītiādi sakavādinā "niyāme asantepi samayeneva 1- marati, na
asamayenā"ti dassetuṃ vuttaṃ. Tatrāyamadhippāyo:- yadi niyāmābhāvena kālakiriyā
bhaveyya, cakkhuviññāṇasamaṅginopi bhaveyya, tato "pañcahi viññāṇehi na cavati
na upapajjatī"ti suttavirodho siyā. Yathā pana cakkhuviññāṇasamaṅgissa kālakiriyā
na hoti, tathā nirodhasamāpannassāpīti.
Tatiyasaññāvedayitakathāvaṇṇanā niṭṭhitā.
--------------
10. Asaññasattūpikākathāvaṇṇanā
[735] Idāni asaññasattūpikā kathā nāma hoti. Tattha saññāvirāgavasena
pavattabhāvanā asaññasamāpattipi nirodhasamāpattipi saññāvedayitanirodhasamāpatti
nāma. Iti dve saññāvedayitanirodhasamāpattiyo lokiyā ca lokuttarā ca. Tattha
lokiyā puthujjanassa asaññasattūpikā hoti, lokuttarā ariyānaṃ, sā ca
nāsaññasattūpikā. Imaṃ pana vibhāgaṃ akatvā aviseseneva saññāvedayitanirodha-
samāpatti asaññasattūpikāti yesaṃ laddhi seyyathāpi hetuvādānaṃ, te sandhāya
pucchā sakavādissa, paṭiññā itarassa. Atha naṃ yasmā asaññasamāpattiṃ samāpannassa
alobhādayo atthi, na nirodhasamāpattiṃ, tasmā tesaṃ vasena codetuṃ atthītiādimāha.
[736] Idhāpi asaññīti pañhe idha saññāvirāgavasena samāpannattā
asaññitā anuññātā, tatrāpi 2- asaññasatteneva. Tasmā imaṃ paṭiññaṃ gahetvā
laddhiṃ patiṭṭhapentena chalena patiṭṭhāpitā hoti. Idha vā nirodhasamāpattiṃ sandhāya
@Footnote: 1 cha.Ma. maraṇasamayeneva 2 Sī.,Ma. tatra
The Pali Atthakatha in Roman Character Volume 55 Page 282.
http://84000.org/tipitaka/read/attha_page.php?book=55&page=282&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6352&pagebreak=1
http://84000.org/tipitaka/atthapali/rm_line.php?B=55&A=6352&pagebreak=1#p282
