บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 287.
Paṭikkhipati. Sesesupi eseva nayo. Mahābhūtā upādāyarūpānaṃ upādāyahetūti ettha paccayaṭṭhena hetubhāvo vutto, na mūlaṭṭhena, tasmā asādhakanti. Rūpaṃhetūtikathāvaṇṇanā niṭṭhitā. [757-759] Rūpaṃsahetuntikathāvaṇṇanāya 1- imināva nayena attho veditabboti. Rūpaṃsahetukantikathāvaṇṇanā niṭṭhitā. -------------- 7. Rūpaṃkusalākusalantikathāvaṇṇanā [760-764] Idāni rūpaṃ kusalākusalantikathā nāma hoti. Tattha "kāyakammaṃ vacīkammaṃ kusalampi akusalampī"ti vacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi seyyathāpi mahisāsakānañceva samitiyānañca, te sandhāya rūpaṃ kusalanti pucchā sakavādissa, paṭiññā itarassa. Atha naṃ "yadi te rūpaṃ kusalaṃ, evaṃvidhenānena bhavitabban"ti codetuṃ sārammaṇantiādimāha. Parato akusalapañhepi eseva nayo. Sesamettha uttānatthamevāti. Rūpaṃkusalākusalantikathāvaṇṇanā niṭṭhitā. ------------- 8. Rūpaṃvipākotikathāvaṇṇanā [765-767] Idāni rūpaṃ vipākotikathā nāma hoti. Tattha yaṃ kammassa katattā uppannā cittacetasikā viya kammassa katattā uppannaṃ, taṃ rūpampi vipākoti yesaṃ laddhi seyyathāpi andhakānañceva samitiyānañca, te sandhāya @Footnote: 1 cha.Ma. sahetukakathāyampiThe Pali Atthakatha in Roman Character Volume 55 Page 287. http://84000.org/tipitaka/read/attha_page.php?book=55&page=287&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6464&pagebreak=1 http://84000.org/tipitaka/atthapali/rm_line.php?B=55&A=6464&pagebreak=1#p287
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]