บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 289.
Anusetī"ti padaviseso. Sā ca laddhi andhakānañceva samitiyānañca, ayaṃ andhakānaṃyevāti. Rūparāgorūpadhātupariyāpannotiādikathāvaṇṇanā niṭṭhitā. Soḷasamo vaggo samatto. ----------- 17. Sattarasamavagga 1. Atthiarahatopuññūpacayotikathāvaṇṇanā [776-779] Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni nissāya 1- atthi arahato puññūpacayoti laddhi seyyathāpi andhakānaṃ, te sandhāya pucchā sakavādissa, paṭiññā itarassa. Atha naṃ "arahā nāma pahīnapuññapāpo, so yadi puññaṃ kareyya, pāpampi kareyyā"ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyācittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti. Atthiarahatopuññūpacayotikathāvaṇṇanā niṭṭhitā. ------------ 2. Natthiarahatoakālamaccūtikathāvaṇṇanā [780] Idāni natthi arahato akālamaccūtikathā nāma hoti. Tattha "nāhaṃ bhikkhave sañcetanikānaṃ kammānaṃ katānaṃ upacitānaṃ appaṭisaṃviditvā @Footnote: 1 cha.Ma. disvāThe Pali Atthakatha in Roman Character Volume 55 Page 289. http://84000.org/tipitaka/read/attha_page.php?book=55&page=289&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6507&pagebreak=1 http://84000.org/tipitaka/atthapali/rm_line.php?B=55&A=6507&pagebreak=1#p289
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]