บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 290.
Byantibhavam vadami"ti 1- suttassa attham ayoniso gahetva "arahata nama sabbakammavipakam patisamvedayitvava parinibbayitabbam, tasma natthi arahato akalamaccu"ti yesam laddhi seyyathapi rajagirikananceva siddhatthikananca, te sandhaya puccha sakavadissa, patinna itarassa. Atha nam "sace tassa natthi akalamaccu, arahantaghatakena nama na bhavitabban"ti codetum natthi arahantaghatakoti aha. Itaro anantariyakammassa ceva tadisananca puggalanam sabbhavato patikkhipati. [781] Visam na kameyyati panhe "yava pubbe katakammam parikkhayam na gacchati, tava na kamati"ti laddhiya patikkhipati. Sesamettha yathapalimeva niyyati. [782] Naham bhikkhaveti suttam idam sandhaya vuttam:- sancetanikanam kammanam katanam vipakam appatisamveditva avinditva ananubhavitva byantibhavam tesam kammanam parivatumaparicchinnabhavam na vadami, tanca kho ditthadhammavedaniyanam dittheva dhamme, na tato param, upapajjavedaniyanam anantaram upapattim upapajjitvava, na tato param, aparapariyavedaniyanam kammanam 2- yada vipakokasam labhanti, tatharupe apare 3- va pariyaye. Evam sabbathapi samsarapavatte sati laddhavipakavare kamme na vijjati so 4- jagatippadeso, yatra thito 5- mucceyya papakammati. Evam sante yadetam "aladdhavipakavarampi kammam avassam arahata 6- patisamveditabban"ti kappanavasena "natthi arahato akalamaccu"ti laddhipatitthapanam katam, tam dukkatamevati. Natthiarahatoakalamaccutikathavannana nitthita. ------------- @Footnote: 1 an.dasaka. 24/217/241 2 cha.Ma. ayam patho na dissati @3 cha.Ma. aparapare 4 cha.Ma. vijjateso @5 cha.Ma. yatthatthito 6 cha.Ma. arahatoThe Pali Atthakatha in Roman Character Volume 55 Page 290. http://84000.org/tipitaka/read/attha_page.php?book=55&page=290&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6529&modeTY=2&pagebreak=1 http://84000.org/tipitaka/atthapali/rm_line.php?B=55&A=6529&modeTY=2&pagebreak=1#p290
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]