Nāma natthi, maggaphalāni ca na kiñci paṭiggaṇhanti, tasmā na vattabbaṃ saṃgho
dakkhiṇaṃ paṭiggaṇhātī"ti yesaṃ laddhi seyyathāpi etarahi mahāpuññavādīsaṅkhātānaṃ
vetullakānaṃ, te sandhāya na vattabbanti pucchā sakavādissa, paṭiññā
itarassa. Atha naṃ "yadi saṃgho na paṭiggaṇheyya, na naṃ satthā āhuneyyotiādīhi
thomeyyā"ti codetuṃ nanu saṃgho āhuneyyotiādimāha. Saṃghassa dānaṃ
dentīti "ye te saṃghassa denti, te paṭiggāhakesu asati kassa dadeyyun"ti
codanatthaṃ vuttaṃ. Āhutiṃ jātavedovāti suttaṃ parasamayato āgataṃ. Tattha mahāmeghanti
meghavuṭṭhiṃ sandhāya vuttaṃ. Vuṭṭhiñhi medanī paṭiggaṇhāti, na meghameva. Maggo
paṭiggaṇhātīti "maggaphalāni saṃgho"ti laddhiyā vadati, na ca maggaphalāneva saṃgho,
maggaphalapātubhāvaparisuddhe pana khandhe upādāya paññattā aṭṭha puggalā saṃgho,
tasmā asādhakanti. 1-
Navattabbaṃsaṃghodakkhiṇaṃpaṭiggaṇhātītikathāvaṇṇanā niṭṭhitā.
-----------
7. Navattabbaṃsaṃghodakkhiṇaṃvisodhetītikathāvaṇṇanā
[793-794] Idāni na vattabbaṃ saṃgho dakkhiṇaṃ visodhetītikathā nāma
hoti. Tattha "maggaphalāneva saṃgho nāma, na ca tāni dakkhiṇaṃ visodhetuṃ sakkonti,
tasmā na vattabbaṃ saṃgho dakkhiṇaṃ visodhetī"ti yesaṃ laddhi seyyathāpi tesaññeva,
te sandhāya pucchā sakavādissa, paṭiññā itarassa. Āhuneyyotiādi "yadi
saṃgho dakkhiṇaṃ visodhetuṃ na sakkuṇeyya, 2- na naṃ satthā evaṃ thomeyyā"ti
dassanatthaṃ vuttaṃ. Visodhetīti mahapphalaṃ karoti. Saṃghasmiñhi appaṃ dinnaṃ bahu
hoti, bahuṃ dinnaṃ bahutaraṃ hoti. Dakkhiṇeyyāti dakkhiṇārahā dakkhiṇāya anucchavikā,
@Footnote: 1 cha.Ma. asādhakametanti 2 Sī.,Ma. na sakkā
The Pali Atthakatha in Roman Character Volume 55 Page 294.
http://84000.org/tipitaka/read/attha_page.php?book=55&page=294&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6621&pagebreak=1
http://84000.org/tipitaka/atthapali/rm_line.php?B=55&A=6621&pagebreak=1#p294
