บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 296.
Te sandhāya pucchā sakavādissa, paṭiññā itarassa. Āhuneyyotiādi "yadi saṃghassa dinnaṃ mahapphalaṃ na bhaveyya, na naṃ satthā evaṃ thomeyyā"ti dassanatthaṃ vuttaṃ. Sesaṃ yathāpālimeva niyyātīti. Navattabbaṃsaṃghassadinnaṃmahapphalantikathāvaṇṇanā niṭṭhitā. --------- 10. Navattabbaṃbuddhassadinnaṃmahapphalantikathāvaṇṇanā [799] Idāni na vattabbaṃ buddhassa dinnaṃ mahapphalantikathā nāma hoti. Tattha "buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirūpakārattā na vattabbaṃ tassa 1- dinnaṃ mahapphalan"ti yesaṃ laddhi seyyathāpi tesaññeva, te sandhāya pucchā sakavādissa, paṭiññā itarassa. Dvipadānaṃ aggotiādi "manussadssīlepi dānaṃ sahassaguṇaṃ hoti, kimaṅgaṃ pana evarūpe aggapuggale"ti dassanatthaṃ vuttaṃ. Sesamettha yathāpālimeva niyyātīti. Navattabbaṃbuddhassadinnaṃmahapphalantikathāvaṇṇanā niṭṭhitā. ------------ 11. Dakkhiṇāvisuddhikathāvaṇṇanā [800-801] Idāni dakkhiṇāvisuddhikathā nāma hoti. Tattha "yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, parakataṃ 2- sukhadukkhaṃ āpajjeyya, añño kareyya, añño paṭisaṃvedeyya, tasmā dāyakatova dānaṃ visujjhati, no paṭiggāhakato, dāyakasseva 3- cittavisuddhi vipākadāyikā @Footnote: 1 cha.Ma. tasmiṃ 2 cha.Ma. paraṃkataṃ 3 Sī. dāyakassevetthaThe Pali Atthakatha in Roman Character Volume 55 Page 296. http://84000.org/tipitaka/read/attha_page.php?book=55&page=296&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6666&pagebreak=1 http://84000.org/tipitaka/atthapali/rm_line.php?B=55&A=6666&pagebreak=1#p296
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]