บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 300.
Tena sakkayaditthiadinam pahanabhavavasena codeti. Bhagava sotapannoti buddhabhutassa sotapannabhavo natthiti patikkhipati. Parato panhadvayepi eseva nayo. Sesamettha yathapalimeva niyyatiti. Ekamaggakathavannana nitthita. -------------- 6. Jhanasankantikathavannana [813-816] Idani jhanasankantikatha nama hoti. Tattha yesam "idha bhikkhave bhikkhu vivicceva kamehi pathamam jhanam upasampajja viharati, vitakkavicaranam vupasama dutiyam jhanam, tatiyam jhanam, catuttham jhanam upasampajja viharati"ti 1- imam patipatidesanam nissaya "tassa tassa jhanassa upacarappavattim vinava jhana jhanam sankamati"ti laddhi seyyathapi mahisasakananceva ekaccananca andhakanam, te sandhaya puccha sakavadissa, patinna itarassa. Atha nam "yadi te dutiyajjhanupacaram appatva uppatipatiya pathamajjhana dutiyajjhanameva sankamati, pathamato tatiyam, dutiyato catutthampi sankameyya"ti codetum pathama jhanatiadimaha. Ya pathamassatiadi "yadi pathamato anantaram dutiyam, dutiyadihi va tatiyadini samapajjati, ekavajjanena samapajjeyya"ti codanattham vuttam. Kame adinavatoti pathamam kame adinavato manasikaroto paccha uppajjati, jhanakkhane panesa nimittameva manasikaroti. Tanneva pathamanti "yadi purimajavanato pacchimajavanam viya anantaram uppajjeyya, thapetva purimapacchimabhavam lakkhanato tanneva tam bhaveyya"ti codetum pucchati. Imina upayena sabbattha attho veditabbo. Vivicceva kamehitiadihi patipatiya jhananam desitabhavam dipeti, na anantaruppattim, tasma asadhakanti. Jhanasankantikathavannana nitthita. ----------- @Footnote: 1 sam.Ma. 19/934/267The Pali Atthakatha in Roman Character Volume 55 Page 300. http://84000.org/tipitaka/read/attha_page.php?book=55&page=300&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6753&modeTY=2&pagebreak=1 http://84000.org/tipitaka/atthapali/rm_line.php?B=55&A=6753&modeTY=2&pagebreak=1#p300
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]