Hantvatiadimaha. Itaro tatharupaya laddhiya abhavena patikkhipati. Sesam
yathapalimeva niyyati. Na vattabbam matughatakoti puccha paravadissa,
rogatikicchakaradikale 1- asancicca ghatam sandhaya patinna sakavadissa. Nanu
mata jivita voropitati panhepi asancicca voropitam sandhaya patinna
sakavadisseva. Evam adhippayampana aggahetva hanciti laddhipatitthapanam itarassa,
tam ayoniso patitthapitatta appatitthitameva. Pitughatakadisupi eseva nayo.
Samghabhedake pana dhammasannim sandhaya samghabhedo anantarikoti puccha sakavadissa,
"samgham samaggam bhetvana, kappam nirayamhi paccati"ti vacanam ayoniso gahetva
patinna paravadissa. Puna sabbeti puttho sakapakkhe dhammasannim sandhaya
patikkhipati, parapakkhe dhammasannim sandhaya patijanati. Dhammasanniti panhadvayepi
eseva nayo. Nanu vuttam bhagavatati suttam ekanteneva dhammavadissa anantarikabhava-
dassanattham vuttam. Apayiko nerayikoti gathayapi adhammavadiyeva adhippeto.
Itaro pana adhippayam aggahetva laddhim patitthapeti. Sa ayoniso patitthapitatta
appatitthitayevati.
Asanciccakathavannana nitthita.
----------------
2. Nanakathavannana
[863-865] Idani nanakatha nama hoti. Tattha duvidham nanam lokiyanca
lokuttaranca. Lokiyam samapattinanampi hoti danadivasena pavattam kammassakata-
nanampi, lokuttaram saccaparicchedakam maggananampi phalananampi. Imam pana vibhagam
akatva "saccaparicchedakameva nanam, na itaram, tasma natthi puthujjanassa
@Footnote: 1 cha.Ma. rogapatikaradikale
The Pali Atthakatha in Roman Character Volume 55 Page 310.
http://84000.org/tipitaka/read/attha_page.php?book=55&page=310&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6979&modeTY=2&pagebreak=1
http://84000.org/tipitaka/atthapali/rm_line.php?B=55&A=6979&modeTY=2&pagebreak=1#p310
