Sammavacakammantajivananca cittavippayuttatam nissaya "nippariyayena pancangikova
maggo"ti laddhi seyyathapi mahisasakanam, te sandhaya pancangikoti puccha sakavadissa,
patinna itarassa. Sammavaca maggangam, sa ca na maggotiadi parasamayavasena
vuttam. Parasamayasminhi sammavacadayo magganganti agata. Rupatta pana maggo
na hotiti vannita. Sammaditthi maggangantiadi maggangassa amaggata nama
natthiti dassanattham vuttam. Pubbeva kho panassati sutte parisuddhasilassa maggabhavana
nama hoti, na itarassati agamaniyapatipadaya visuddhibhavadassanattham "kayakammam
vacikammam ajivo suparisuddho hoti"ti vuttam, na imehi vina pancangikabhava-
dassanattham. Tenevaha "evamassayam ariyo atthangiko maggo bhavanaparipurim
gacchati"ti. Sakavadina abhatasuttam nitatthamevati.
Maggakathavannana nitthita.
---------------
6. Nanakathavannana
[876-877] Idani nanakatha nama hoti. Tattha dhammacakkappavattane
dvadasakarananam sandhaya "dvadasavatthukam nanam lokuttaran"ti yesam laddhi
seyyathapi pubbaseliyaparaseliyanam, 1- te sandhaya puccha sakavadissa, patinna
itarassa. Atha nam "sace tam dvadasavatthukam, dvadasahi maggananehi bhavitabban"ti
codetum dvadasatiadimaha. Itaro maggassa ekattam sandhaya patikkhipati, ekekasmim
sacce saccananakiccananakatanananam vasena nanananattam sandhaya patikkhipati. 2-
Dvadasa sotapattimaggatiadisupi eseva nayo. Nanu vuttam bhagavatati suttam
@Footnote: 1 cha.Ma. pubbaseliyanam 2 cha.Ma. patijanati
The Pali Atthakatha in Roman Character Volume 55 Page 313.
http://84000.org/tipitaka/read/attha_page.php?book=55&page=313&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=7046&modeTY=2&pagebreak=1
http://84000.org/tipitaka/atthapali/rm_line.php?B=55&A=7046&modeTY=2&pagebreak=1#p313
