อรรถกถาเล่มที่ ๕๕ หน้าที่ ๓๑๔.

สทฺธึ ปุพฺพภาคปรภาเคหิ ญาณนานตฺตํ ทีเปติ, น อริยมคฺคสฺส ทฺวาทสญาณตํ. ตสฺมา อสาธกนฺติ. ญาณกถาวณฺณนา นิฏฺฐิตา. วีสติโม วคฺโค นิฏฺฐิโต. จตุตฺโถ ปณฺณาสโก สมตฺโต. ------------- ๒๑. เอกวีสติมวคฺค ๑. สาสนกถาวณฺณนา [๘๗๘] อิทานิ สาสนกถา นาม โหติ. ตตฺถ ติสฺโส สงฺคีติโย สนฺธาย "สาสนํ นวํ กตนฺ"ติ จ "อตฺถิ โกจิ ตถาคตสาสนํ นวํ กโรตี"ติ จ "ลพฺภา ตถาคตสาสนํ นวํ กาตุนฺ"ติ จ เยสํ ลทฺธิ เสยฺยถาปิ เอกจฺจานํ อุตฺตราปถกานํ, เต สนฺธาย ตีสุปิ กถาสุ ปุจฺฉา สกวาทิสฺส, ปฏิญฺญา อิตรสฺส. สติปฏฺฐานาติอาทิ สาสนํ นาม สติปฏฺฐานาทโย เจว อริยธมฺมา กุสลาทีนญฺจ เทสนา. ตตฺถ เยสํ ภควตา เทสิตา สติปฏฺฐานาทโย, ฐเปตฺวา เต อญฺเญสํ วา สติปฏฺฐานาทีนํ กรเณน อกุสลาทีนํ วา กุสลาทิภาวกรเณน สาสนํ นวํ กตํ นาม ภเวยฺย, กินฺตํ เอวํ กตํ เกนจิ, อตฺถิ วา โกจิ เอวํ กโรติ, ลพฺภา วา เอวํ กาตุนฺติ ตีสุปิ ปุจฺฉาสุ โจทนตฺถํ วุตฺตํ. เสสํ สพฺพตฺถ ยถาปาลิเมว นิยฺยาตีติ. สาสนกถาวณฺณนา นิฏฺฐิตา. --------------

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๑๔. http://84000.org/tipitaka/read/attha_page.php?book=55&page=314&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=7067&modeTY=2&pagebreak=1 http://84000.org/tipitaka/atthapali/th_line.php?B=55&A=7067&modeTY=2&pagebreak=1#p314