บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 316.
Ijjhati. Sabhāgasantatiṃ pana parivattetvā visabhāgasantatikaraṇe vā sabhāgasantati- vaseneva ciratarappavattane vā yesaṃ atthāya kariyati, tesaṃ puññādīni kāraṇāni nissāya katthaci ijjhati bhikkhūnaṃ atthāya pānīyasappikhīrādikaraṇe viya mahādhātu- nidhāne dīpādīnaṃ cirasantānappavattane viya cāti idaṃ sakasamaye sanniṭṭhānaṃ. Yaṃ pana āyasmā pilindavaccho rañño pāsādaṃ suvaṇṇantveva adhimucci, taṃ nissāya yesaṃ "atthi adhippāyiddhī"ti laddhi seyyathāpi andhakānaṃ, te sandhāya atthi adhippāyaiddhīti pucchā sakavādissa. Tattha adhippāyaiddhīti adhippāyaṃ iddhi, 1- yathādhippāyaṃ ijjhanaṃ iddhīti 2- attho. Āmantāti laddhimatte ṭhapetvā paṭiññā itarassa. 3- Atha naṃ aniccādīnaṃ niccāditāya anuyuñjituṃ niccapaṇṇā rukkhā hontūtiādimāha. Sesamettha uttānatthameva. Laddhipatiṭṭhāpanepi 4- suvaṇṇo ca panāsīti rañño puññūpanissayena āsi, na kevalaṃ therassa adhippāyeneva. Tasmā asādhakametanti. Iddhikathāvaṇṇanā niṭṭhitā. ------------- 5. Buddhakathāvaṇṇanā [885] Idāni buddhakathā nāma hoti. Tattha ṭhapetvā tasmiṃ tasmiṃ kāle sarīravemattakaṃ āyuvemattakaṃ pabhāvemattakañca 5- sesehi buddhadhammehi buddhānaṃ buddhehi hīnātirekatā nāma natthi. Yesampana aviseseneva atthīti laddhi seyyathāpi andhakānaṃ, te sandhāya atthi buddhānanti pucchā sakavādissa, paṭiññā itarassa. Atha naṃ buddhadhammehi anuyuñjituṃ satipaṭṭhānatotiādimāha. Itaro tesaṃ vasena hīnātirekataṃ apassanto paṭikkhipatevāti. Buddhakathāvaṇṇanā niṭṭhitā. ------------- @Footnote: 1 cha.Ma. adhippāyaiddhi 2 cha.Ma. ijjhanaiddhīti 3 cha.Ma. paravādissa @4 cha.Ma. laddhipatiṭṭhāpane 5 cha.Ma. sarīravemattataṃ āyuvemattataṃ pabhāvemattatañcaThe Pali Atthakatha in Roman Character Volume 55 Page 316. http://84000.org/tipitaka/read/attha_page.php?book=55&page=316&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=7110&pagebreak=1 http://84000.org/tipitaka/atthapali/rm_line.php?B=55&A=7110&pagebreak=1#p316
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]