ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๓๑๖.

อิชฺฌติ. สภาคสนฺตตึ ปน ปริวตฺเตตฺวา วิสภาคสนฺตติกรเณ วา สภาคสนฺตติ-
วเสเนว จิรตรปฺปวตฺตเน วา เยสํ อตฺถาย กริยติ, เตสํ ปุญฺญาทีนิ การณานิ
นิสฺสาย กตฺถจิ อิชฺฌติ ภิกฺขูนํ อตฺถาย ปานียสปฺปิขีราทิกรเณ วิย มหาธาตุ-
นิธาเน ทีปาทีนํ จิรสนฺตานปฺปวตฺตเน วิย จาติ อิทํ สกสมเย สนฺนิฏฺฐานํ. ยํ
ปน อายสฺมา ปิลินฺทวจฺโฉ รญฺโญ ปาสาทํ สุวณฺณนฺเตฺวว อธิมุจฺจิ, ตํ นิสฺสาย
เยสํ "อตฺถิ อธิปฺปายิทฺธี"ติ ลทฺธิ เสยฺยถาปิ อนฺธกานํ, เต สนฺธาย อตฺถิ
อธิปฺปายอิทฺธีติ ปุจฺฉา สกวาทิสฺส. ตตฺถ อธิปฺปายอิทฺธีติ อธิปฺปายํ อิทฺธิ, ๑-
ยถาธิปฺปายํ อิชฺฌนํ อิทฺธีติ ๒- อตฺโถ. อามนฺตาติ ลทฺธิมตฺเต ฐเปตฺวา ปฏิญฺญา
อิตรสฺส. ๓- อถ นํ อนิจฺจาทีนํ นิจฺจาทิตาย อนุยุญฺชิตุํ นิจฺจปณฺณา รุกฺขา
โหนฺตูติอาทิมาห. เสสเมตฺถ อุตฺตานตฺถเมว. ลทฺธิปติฏฺฐาปเนปิ ๔- สุวณฺโณ จ
ปนาสีติ รญฺโญ ปุญฺญูปนิสฺสเยน อาสิ, น เกวลํ เถรสฺส อธิปฺปาเยเนว.
ตสฺมา อสาธกเมตนฺติ.
                        อิทฺธิกถาวณฺณนา นิฏฺฐิตา.
                          -------------
                         ๕. พุทฺธกถาวณฺณนา
     [๘๘๕] อิทานิ พุทฺธกถา นาม โหติ. ตตฺถ ฐเปตฺวา ตสฺมึ ตสฺมึ กาเล
สรีรเวมตฺตกํ อายุเวมตฺตกํ ปภาเวมตฺตกญฺจ ๕- เสเสหิ พุทฺธธมฺเมหิ พุทฺธานํ
พุทฺเธหิ หีนาติเรกตา นาม นตฺถิ. เยสมฺปน อวิเสเสเนว อตฺถีติ ลทฺธิ เสยฺยถาปิ
อนฺธกานํ, เต สนฺธาย อตฺถิ พุทฺธานนฺติ ปุจฺฉา สกวาทิสฺส, ปฏิญฺญา
อิตรสฺส. อถ นํ พุทฺธธมฺเมหิ อนุยุญฺชิตุํ สติปฏฺฐานโตติอาทิมาห. อิตโร เตสํ
วเสน หีนาติเรกตํ อปสฺสนฺโต ปฏิกฺขิปเตวาติ.
                       พุทฺธกถาวณฺณนา นิฏฺฐิตา.
                          -------------
@เชิงอรรถ:  ฉ.ม. อธิปฺปายอิทฺธิ    ฉ.ม. อิชฺฌนอิทฺธีติ    ฉ.ม. ปรวาทิสฺส
@ ฉ.ม. ลทฺธิปติฏฺฐาปเน   ฉ.ม. สรีรเวมตฺตตํ อายุเวมตฺตตํ ปภาเวมตฺตตญฺจ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๑๖. http://84000.org/tipitaka/read/attha_page.php?book=55&page=316&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=7110&modeTY=2&pagebreak=1 http://84000.org/tipitaka/atthapali/th_line.php?B=55&A=7110&modeTY=2&pagebreak=1#p316


จบการแสดงผล หน้าที่ ๓๑๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]