บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 319.
22. Bāvīsatimavagga 1. Parinibbānakathāvaṇṇanā [892] Idāni parinibbānakathā nāma hoti. Tattha "yasmā arahā sabbaññuvisaye appahīnasaññojanova parinibbāti, 1- tasmā atthi kiñci saññojanaṃ appahāya parinibbānan"ti yesaṃ laddhi seyyathāpi andhakānaṃ, te sandhāya pucchā sakavādissa, paṭiññā itarassa. Sesamettha heṭṭhā vuttanayamevāti. Parinibbānakathāvaṇṇanā niṭṭhitā. ------------ 2. Kusalacittakathāvaṇṇanā [894-895] Idāni kusalacittakathā nāma hoti. Tattha yasmā arahā sativepullappatto parinibbāyantopi sato sampajānova parinibbāti, tasmā kusalacitto parinibbātīti yesaṃ laddhi seyyathāpi andhakānaṃ, te sandhāya pucchā sakavādissa, paṭiññā itarassa. Atha naṃ yasmā kusalacitto nāma puññābhisaṅkhārābhi- saṅkharaṇādivasena hoti, tasmā tenatthena codetuṃ arahā puññābhisaṅkhārantiādimāha. Sesamettha uttānaṃ 2- yathāpālimeva niyyāti. Sato sampajānoti idaṃ javanakkhaṇe kiriyāsatisampajaññānaṃ vasena asammohamaraṇadīpanatthaṃ vuttaṃ, na kusalacittadīpanatthaṃ. Tasmā asādhakanti. Kusalacittakathāvaṇṇanā niṭṭhitā. ------------ 3. Āneñjakathāvaṇṇanā [896] Idāni āneñjakathā nāma hoti. Tattha bhagavā catutthajjhāne ṭhito parinibbāyatīti 3- sallakkhetvā "arahā āneñje ṭhito parinibbāyatī"ti @Footnote: 1 cha.Ma. parinibbāyati 2 cha.Ma. ayaṃ pāṭho na dissati 3 cha.Ma. parinibbāyītiThe Pali Atthakatha in Roman Character Volume 55 Page 319. http://84000.org/tipitaka/read/attha_page.php?book=55&page=319&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=7181&pagebreak=1 http://84000.org/tipitaka/atthapali/rm_line.php?B=55&A=7181&pagebreak=1#p319
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]