Yesaṃ laddhi seyyathāpi ekaccānaṃ uttarāpathakānaṃ, te sandhāya pucchā sakavādissa,
paṭiññā itarassa. Pakaticitteti bhavaṅgacitte. Sabbe hi saññino sattā
bhavaṅgacitte ṭhatvā 1- bhavaṅgapariyosānena cuticittena kālaṃ karonti. Iti naṃ
iminā atthena codetuṃ evamāha. Tattha kiñcāpi catuvokārabhave arahato
pakaticittampi āneñjaṃ hoti, ayampana pañho pañcavokārabhavavasena uddhaṭo.
Tasmā no ca vata re vattabbeti āha. Sesamettha uttānatthamevāti.
Āneñjakathāvaṇṇanā niṭṭhitā.
----------
4. Dhammābhisamayakathāvaṇṇanā
[897] Idāni dhammābhisamayakathā nāma hoti. Tattha atītabhave sotāpannaṃ
mātukucchiyaṃ vasitvā nikkhantaṃ disvā "atthi gabbhaseyyāya dhammābhisamayo"ti yesaṃ
laddhi seyyathāpi ekaccānaṃ uttarāpathakānaṃ, te sandhāya pucchā sakavādissa,
paṭiññā itarassa. Atha naṃ "yadi tattha dhammābhisamayo atthi, dhammābhisamayakāraṇehi
ettha 2- dhammadesanādīhi bhavitabban"ti codetuṃ atthi gabbhaseyyāya dhammadesanāti-
ādimāha. Suttassātiādi bhavaṅgavāraṃ sandhāya vuttaṃ. Gabbhaseyyāya hi yebhuyyena
bhavaṅgameva pavattati. Teneva sutto 3- kiriyasamayappavattābhāvā 4- sutto,
bhāvanānuyogassa abhāvā pamatto, kammaṭṭhānapariggāhakānaṃ satisampajaññānaṃ abhāvā
muṭṭhassati asampajāno nāma hoti, tathārūpassa kuto dhammābhisamayoti.
Dhammābhisamayakathāvaṇṇanā niṭṭhitā.
--------------
@Footnote: 1 Sī.,Ma. ṭhitā 2 cha.Ma. ayaṃ pāṭho na dissati
@3 cha.Ma. satto 4 cha.Ma. kiriyamayappavattābhāvā
The Pali Atthakatha in Roman Character Volume 55 Page 320.
http://84000.org/tipitaka/read/attha_page.php?book=55&page=320&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=7204&pagebreak=1
http://84000.org/tipitaka/atthapali/rm_line.php?B=55&A=7204&pagebreak=1#p320
