บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 324.
3-7. Issariyakāmakārikākathāvaṇṇanā [910-914] Idāni issariyakāmakārikākathā nāma hoti. Chaddantajātakādīni sandhāya "bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī"ti yesaṃ laddhi seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati, dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti. Issariyakāmakārikākathāvaṇṇanā niṭṭhitā. ------------------ 8. Paṭirūpakathāvaṇṇanā *- [915-916] Idāni rāgapaṭirūpakathā nāma hoti. Tattha mettākaruṇā- muditāyo sandhāya "na rāgo rāgapaṭirūpako"ti ca issāmacchariyakukkuccāni sandhāya "na doso dosapaṭirūpako"ti ca hasituppādaṃ sandhāya "na moho mohapaṭirūpako"ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsikavādaṃ 1- moghapurisavādañca sandhāya "na kileso kilesapaṭirūpako"ti ca yesaṃ laddhi seyyathāpi andhakānaṃ, te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipaṭirūpakānaṃ phassādayo 2- nāma natthi, tasmā @Footnote: 1 cha.Ma. kheḷāsakavādaṃ * ka. rāgapaṭirūpakādikathāvaṇṇanā @2 cha.Ma. phassādipatirūpakā naphassādayoThe Pali Atthakatha in Roman Character Volume 55 Page 324. http://84000.org/tipitaka/read/attha_page.php?book=55&page=324&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=7290&pagebreak=1 http://84000.org/tipitaka/atthapali/rm_line.php?B=55&A=7290&pagebreak=1#p324
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]