อรรถกถาเล่มที่ ๕๕ หน้าที่ ๓๒๔.

๓-๗. อิสฺสริยกามการิกากถาวณฺณนา [๙๑๐-๙๑๔] อิทานิ อิสฺสริยกามการิกากถา นาม โหติ. ฉทฺทนฺตชาตกาทีนิ สนฺธาย "โพธิสตฺโต อิสฺสริยกามการิกาเหตุ วินิปาตํ คจฺฉติ, คพฺภเสยฺยํ โอกฺกมติ, ทุกฺกรการิกํ อกาสิ, อปรนฺตปํ อกาสิ, อญฺญํ สตฺถารํ อุทฺทิสี"ติ เยสํ ลทฺธิ เสยฺยถาปิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสํ ปฐมกถายํ อุตฺตานตฺถเมว. ทุติยกถายํ อิทฺธิมาติ ยทิ อิสฺสริยกามการิกาเหตุ คจฺเฉยฺย, อิทฺธิยา คจฺเฉยฺย, น กมฺมวเสนาติ โจทนตฺถํ วุตฺตํ. อิตโร ปน ปฐมปเญฺห ภาวนามยํ สนฺธาย ปฏิกฺขิปติ, ทุติยปเญฺห ปุญฺญิทฺธึ สนฺธาย ปฏิชานาติ. ตติยกถายํ อิสฺสริยกามการิกาเหตุ นาม ทุกฺกรการิกา มิจฺฉาทิฏฺฐิยา กริยติ. ยทิ จ โส ตํ กเรยฺย, สสฺสตาทีนิปิ คเณฺหยฺยาติ โจทนตฺถํ สสฺสโต โลโกติอาทิ วุตฺตํ. จตุตฺถกถายมฺปิ เอเสว นโยติ. อิสฺสริยกามการิกากถาวณฺณนา นิฏฺฐิตา. ------------------ ๘. ปฏิรูปกถาวณฺณนา ^*- [๙๑๕-๙๑๖] อิทานิ ราคปฏิรูปกถา นาม โหติ. ตตฺถ เมตฺตากรุณา- มุทิตาโย สนฺธาย "น ราโค ราคปฏิรูปโก"ติ จ อิสฺสามจฺฉริยกุกฺกุจฺจานิ สนฺธาย "น โทโส โทสปฏิรูปโก"ติ จ หสิตุปฺปาทํ สนฺธาย "น โมโห โมหปฏิรูปโก"ติ จ ทุมฺมงฺกูนํ ปุคฺคลานํ นิคฺคหํ เปสลานํ ภิกฺขูนํ อนุคฺคหํ ปาปครหิตํ กลฺยาณปสํสํ อายสฺมโต ปิลินฺทวจฺฉสฺส วสลวาทํ ภควโต เขฬาสิกวาทํ ^๑- โมฆปุริสวาทญฺจ สนฺธาย "น กิเลโส กิเลสปฏิรูปโก"ติ จ เยสํ ลทฺธิ เสยฺยถาปิ อนฺธกานํ, เต สนฺธาย สพฺพกถาสุ ปุจฺฉา สกวาทิสฺส, ปฏิญฺญา อิตรสฺส. อถ นํ ยสฺมา ผสฺสาทิปฏิรูปกานํ ผสฺสาทโย ^๒- นาม นตฺถิ, ตสฺมา @เชิงอรรถ: ^๑ ฉ.ม. เขฬาสกวาทํ ^* ก. ราคปฏิรูปกาทิกถาวณฺณนา @^๒ ฉ.ม. ผสฺสาทิปติรูปกา นผสฺสาทโย

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๒๔. http://84000.org/tipitaka/read/attha_page.php?book=55&page=324&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=7290&modeTY=2&pagebreak=1 http://84000.org/tipitaka/atthapali/th_line.php?B=55&A=7290&modeTY=2&pagebreak=1#p324