romanATTHA book 55 Page 379.

Kamaragapatighatthivicikicchanusaya cattaropi anavasesato pahina, itare tayova appahina. Tena vuttam "kassaci tayo anusaya anusenti"ti. Na kamadhatunti kamadhatuya patisiddhatta sesa dve dhatuyo upapajjantassati attho. Sattevati yasma ariyasavakassa rupadhatuya cutassa kamadhatuyam upapatti nama natthi, puthujjanasseva hoti, tasma sattevati niyamitva vuttam. "arupadhatuya cutassa kamadhatum upapajjantassa satteva"ti etthapi eseva nayo. Rupadhatuya upapatti natthiti kasma natthi? upapattinipphadakassa rupavacarajjhanassa abhava. So hi sabbaso rupasannanam samatikkama tam dhatum upapannoti nassa tattha rupavacarajjhanam atthi, tadabhava rupadhatuyam upapatti natthiti veditabba. Arupadhatuya cutassa na kamadhatunti ettha arupadhatuyeva adhippeta. Imina nayena sabbavissajjanesu attho veditabboti. Dhatuvaravannana nitthita. Anusayayamakavannana samatta. ------------ 8. Cittayamaka uddesavaravannana [1-62] Idani tesanneva mulayamake desitanam kusaladidhammanam labbhamanavasena ekadesameva sanganhitva anusayayamakanantaram desitassa cittayamakassa atthavannana hoti. Tattha palivavatthanam tava veditabbam:- imasminhi cittayamake matikathapanam thapitamatikaya vissajjananti dve vara honti. Tattha matikathapane puggalavaro dhammavaro puggaladhammavaroti aditova tayo suddhikamahavara honti.

The Pali Atthakatha in Roman Character Volume 55 Page 379. http://84000.org/tipitaka/read/attha_page.php?book=55&page=379&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=8541&modeTY=2&pagebreak=1 http://84000.org/tipitaka/atthapali/rm_line.php?B=55&A=8541&modeTY=2&pagebreak=1#p379