romanATTHA book 55 Page 437.

19. Sampayuttapaccayaniddesavannana [19] Sampayuttapaccayaniddese pali uttanatthava. Ayam pana sampayuttapaccayo nama sankhepato sabbepi arupino khandha. Pabhedato panesa jatito kusaladinam bhumito ca kamavacaradinam vasena anekadha bhijjatiti evamettha nanappakarabhedato vinnatabbo vinicchayo. Evam bhinne panettha catubhumikesupi kusalakkhandhesu eko khandho tinnannam khandhanam tayo ekassa dve dvinnanti evam sabbepi annamannam sampayuttapaccayena paccayo. Akusalavipakakiriyakkhandhesupi eseva nayoti evamettha paccayuppannatopi vinnatabbo vinicchayoti. Sampayuttapaccayaniddesavannana nitthita. ------------ 20. Vippayuttapaccayaniddesavannana [20] Vippayuttapaccayaniddese rupino dhamma arupinanti idam tava hadayavatthuno ceva cakkhundriyadinanca vasena veditabbam. Rupadhammesu hi eteyeva cha kotthasa arupakkhandhanam vippayuttapaccaya ^1- honti. Rupayatanadayo pana arammanadhammapi kincapi vippayuttadhamma, vippayuttapaccaya pana na honti. Kimkarana? sampayogasankaya abhavato. Arupino hi khandha cakkhvadinam vatthunam Abbhantarato nikkhamanta viya uppajjantiti. Tattha asanka hoti "kinnu kho ete etehi sampayutta, udahu vippayutta"ti. Arammanadhamma pana vatthunissayena uppajjamananam arammanamattava ^2- hontiti natthi tesu sampayogasanka. Iti sampayogasankaya abhavato na te vippayuttapaccaya. Hadayavatthuadisu panayam vippayuttapaccayata veditabba. Vuttampi cetam panhavare:- vatthu kusalanam khandhanam @Footnote: ¹ cha.Ma. vippayuttapaccayena paccaya ² cha.Ma. va-saddo na dissati

The Pali Atthakatha in Roman Character Volume 55 Page 437. http://84000.org/tipitaka/read/attha_page.php?book=55&page=437&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=9867&modeTY=2&pagebreak=1 http://84000.org/tipitaka/atthapali/rm_line.php?B=55&A=9867&modeTY=2&pagebreak=1#p437