romanATTHA book 55 Page 442.

Sahajatatthipaccayena paccayo hoti. Tesampi tisamutthanikarupam ekam mahabhutam tinnannam mahabhutanam, tini ekassa, dve dvinnam, mahabhuta upadarupananti evam sahajatatthi- paccayena paccayo hoti. Purejatatthipaccayo pana vatthupurejataarammanapurejatavasena duvidho hoti, so duvidhopi hettha purejatapaccaye vuttanayeneva yojetva gahetabbo. Aharatthipaccayopi hettha kabalinkaraharapaccaye yojitanayeneva yojetabbo. Idha panesa attano aniruddhakkhane paccayabhavena atthipaccayoti vutto. Rupa- jivitindriyampi hettha indriyapaccaye rupajivitindriyayojanayam vuttanayeneva gahetabbam. ^1- Idha panetampi attano aniruddhakkhaneyeva paccayabhavena atthipaccayoti vuttanti evamettha paccayuppannatopi vinnatabbo vinicchayoti. Atthipaccayaniddesavannana nitthita. ------------ 22. Natthipaccayaniddesavannana [22] Natthipaccayaniddese samanantaraniruddhati annena cittuppadena anantarika hutva samanantaram niruddha. Patuppannananti paccuppannanam. Imina natthipaccayassa okasadanatthena natthipaccayabhavam sadheti. Purimesu hi nirodhavasena pacchimanam pavattanokasam adentesu tesam patuppannabhavo na siyati ayamettha palivannana. Sesam sabbam anantarapaccaye vuttanayeneva veditabbam. Paccaya- lakkhanameva hettha nanam, paccayanam pana paccayuppannananca nanakaranam natthi. Kevalam pana tattha "cakkhuvinnanadhatu tamsampayuttaka ca dhamma manodhatuya"ti- adina nayena paccaya ca paccayuppanna ca sarupato dassita. Idha pana "samanantaraniruddha cittacetasika dhamma patuppannanam cittacetasikanam dhammanan"ti sabbepi te nirodhuppadavasena samannato dassitati. Natthipaccayaniddesavannana nitthita. ------------ @Footnote: ¹ cha.Ma. yojetabbam

The Pali Atthakatha in Roman Character Volume 55 Page 442. http://84000.org/tipitaka/read/attha_page.php?book=55&page=442&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=9981&modeTY=2&pagebreak=1 http://84000.org/tipitaka/atthapali/rm_line.php?B=55&A=9981&modeTY=2&pagebreak=1#p442