บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 563.
Dassanattike dassanena pahatabbo rago uppajjatitiadisu dassanena pahatabbo puthujjanassa uppajjati, bhavanaya pahatabbo sotapannassapiti evam uparimassa uparimassa hetthima hetthima nuppajjantiti veditabba. Dassanena pahatabbo dhammo bhavanaya pahatabbassa dhammassa ekenapi paccayena paccayo na hoti. Sesamettha palim anugantva kusalattike vuttalakkhanavaseneva veditabbam. Dassanenapahatabbahetukattike dassanenapahatabbahetukadinam vibhago atthakathakande vuttanayeneva veditabbo. Vicikicchuddhaccasahagato moho ahetukatta tatiyarasim 1- pavittho. Evamettha yesam dassanabhavanahi pahatabbo hetu atthi, te pahatabbahetuka. Yesam so natthi, te nevadassanenanabhavanayapahatabbahetukati imam pahatabbahetukanapahatabbahetukavibhagam 2- natva sesam dassanenapahatabbattike ceva kusalattike ca dassitalakkhananusareneva veditabbam. Acayagamittike paticcavarasamsatthavaresu anulomam kusalattikasadisameva. Sesam vissajjanato gananato ca yathapalimeva niyyati. Sekkhattike asekkho dhammo sekkhassa dhammassa na kenaci paccayena paccayo, sekkho asekkhassa anantarapakatupanissayo pana hoti. Sesamettha yathapalimeva niyyati, tatha parittattike. Parittarammanattike appamanarammana cetanati sekkhanam gotrabhucetana, paccavekkhanacetanatipi vattum vattati. Vipakanam parittarammanananti patisandhiyam kammam arammanam katva, pavatte cakkhuvinnanadivasena rupadiarammanam tadarammana- vasena javanena gahitaparittarammananca arammanam katva uppannanam. Ye pana "gotrabhucittena natthi patisandhi"ti vadanti, te imina suttena patisedhetabba. Sesamettha palinayeneva veditabbam. Hinattiko sankilitthattikasadiso. @Footnote: 1 cha.Ma. tatiyapade 2 cha.Ma. pahatabbahetukavibhagamThe Pali Atthakatha in Roman Character Volume 55 Page 563. http://84000.org/tipitaka/read/attha_page.php?book=55&page=563&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=12719&modeTY=2&pagebreak=1 http://84000.org/tipitaka/atthapali/rm_line.php?B=55&A=12719&modeTY=2&pagebreak=1#p563
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]