บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 564.
Micchattattike micchattaniyato sammattaniyatassa sammattaniyato va micchatta- niyatassa na kenaci paccayena paccayo hoti. Micchattaniyato va sammattaniyato va sahajatadhipativirahito nama natthi. Sammattaniyate ekantato vatthupurejatam 1- natthi, micchattaniyate siya arammanapurejatam. Aniyatam cittam arabbha niyata micchaditthi uppajjeyya. Sesam 2- niyatam arabbha niyatam nuppajjati, micchattaniyatam garum katva na koci dhammo uppajjati. Kusalo micchattassa upanissayapaccayo na hoti. Sesamettha paliyam vuttanayeneva veditabbam. Maggarammanattike paticcavarassa anulome vipakapaccayo natthi. Kammapaccayepi imasmim tike nanakkhanikam na labbhati. Tatha uppannattikaatitattikesu. Paccaniye ahetukam maggarammananti ahetukam maggarammanam, avajjanam sandhayetam vuttam. Sesamettha palianusareneva veditabbam. Uppannattike ca atitattike ca paticcavaradayo natthi, panhavaramattameva labbhati. Kasma? paticcavaradayo hi sahajatapurejatananneva honti, ime ca tika atitanagatamissaka. Uppannattike cettha anantarabhagiyapi paccaya na labbhanti. Kasma? uppannattike atitassa abhavato. Uppanno ca anuppanno cati ime cettha dve dhamma uppannassa ca anuppannassa cati imesam dvinnam na kenaci paccayena paccayo. Anuppanno ca uppadi cati ime pana dve uppannassa arammanupanissayavasena dvihi paccayehi paccaya. 3- Sesamettha paliyam agatanayeneva veditabbam. Atitattike paccuppannam atitanagatassa atitanagatam va 4- atitanagatassa na kenaci kenaci paccayo. Nibbanampana dvisupi imesu tikesu neva paccayato na paccayuppannato labbhati. Sesamidhapi paliyam agatanayeneva veditabbam. @Footnote: 1 cha.Ma. arammanapurejatam 2 cha.Ma. sesa 3 cha.Ma. paccayo 4 cha.Ma. atitanagatancaThe Pali Atthakatha in Roman Character Volume 55 Page 564. http://84000.org/tipitaka/read/attha_page.php?book=55&page=564&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=12742&modeTY=2&pagebreak=1 http://84000.org/tipitaka/atthapali/rm_line.php?B=55&A=12742&modeTY=2&pagebreak=1#p564
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]