ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๕๗๐.

อฏฺฐกถายํ วุตฺตคาถาย ทีปิตา ธมฺมานุโลมปฏฺฐาเน ฉ นยา นิทฺทิฏฺฐา โหนฺติ.
ปจฺจยวเสน ปเนตฺถ เอเกกสฺมึ ปฏฺฐาเน อนุโลมาทโย จตฺตาโร จตฺตาโร นยาติ
เอเกน ปริยาเยน จตุวีสตินยปฏิมณฺฑิตํ อนุโลมปฏฺฐานํเยว เวทิตพฺพนฺติ. ๑-
                     อนุโลมปฏฺฐานวณฺณนา นิฏฺฐิตา.
                          ------------
                      ๗-๑๒. ปจฺจนียปฏฺฐานวณฺณนา
    [๑] อิทานิ กุสลาทีนํ ปทานํ ปฏิกฺเขปวเสน ธมฺมปจฺจนียตาย ลทฺธนามํ
ปจฺจนียปฏฺฐานํ ทสฺเสตุํ นกุสลํ ธมฺมํ ปฏิจฺจ นกุสโล ธมฺโม อุปฺปชฺชติ
เหตุปจฺจยาติอาทิ อารทฺธํ. ตตฺถ นกุสลํ ธมฺมํ ปฏิจฺจาติ กุสลสฺส ปจฺจยภาวํ
วาเรติ. นกุสโล ธมฺโม อุปฺปชฺชตีติ กุสลสฺส อุปฺปตฺตึ วาเรติ, ตสฺมา
"อกุสลาพฺยากตํ เอกํ ขนฺธํ ปฏิจฺจ อกุสลาพฺยากตา ตโย ขนฺธา จิตฺตสมุฏฺฐานญฺจ
รูปนฺ"ติ เอวมาทินา นเยเนตฺถ ปญฺหาวิสฺสชฺชนํ เวทิตพฺพํ. ๒- ตสฺมึ ตสฺมึ
ปจฺจเย ลทฺธคณนา ปน ปาลิยํ วุตฺตาเยว. เยปิ วารา สทิสวิสฺสชฺชนา, เตปิ
ตตฺเถว ทสฺสิตา. ตสฺมา สพฺพเมตฺถ เหฏฺฐา วุตฺตนยานุสาเรเนว ปาลึ
อุปปริกฺขิตฺวา เวทิตพฺพํ. ยถา เจตฺถ, เอวํ ทุกปฏฺฐาเน ทุกติกปฏฺฐาเน
ติกทุกปฏฺฐาเน ติกติกปฏฺฐาเน ทุกทุกปฏฺฐาเน จ.
     เอตฺตาวตา:-
                    ติกญฺจ ปฏฺฐานวรํ ทุกุตฺตมํ
                    ทุกํ ติกญฺเจว ติกํ ทุกญฺจ
                    ติกํ ติกญฺเจว ทุกํ ทุกญฺจ
                    ฉ ปจฺจนียมฺหิ นยา สุคมฺภีราติ
@เชิงอรรถ:  ฉ.ม. เวทิตพฺพํ     ฉ.ม. ปญฺหํ วิสฺสชฺชิตพฺพํ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๗๐. http://84000.org/tipitaka/read/attha_page.php?book=55&page=570&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=12877&modeTY=2&pagebreak=1 http://84000.org/tipitaka/atthapali/th_line.php?B=55&A=12877&modeTY=2&pagebreak=1#p570


จบการแสดงผล หน้าที่ ๕๗๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]