ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๕๗๑.

อฏฺฐกถายํ วุตฺตคาถาย ทีปิตา ธมฺมปจฺจนียปฏฺฐาเน ฉ นยา นิทฺทิฏฺฐา โหนฺติ.
ปจฺจยวเสน ปเนตฺถ เอเกกสฺมึ ปฏฺฐาเน อนุโลมาทโย จตฺตาโร จตฺตาโร
นยาติ เอเกน ปริยาเยน จตุวีสตินยปฏิมณฺฑิตํ ปจฺจนียปฏฺฐานญฺเญว
เวทิตพฺพนฺติ.
                     ปจฺจนียปฏฺฐานวณฺณนา นิฏฺฐิตา.
                           -----------
                   ๑๓-๑๘. อนุโลมปจฺจนียปฏฺฐานวณฺณนา
    [๑] อิทานิ กุสลาทีสุ ธมฺเมสุ ปจฺจยธมฺมํ อปฺปฏิกฺขิปิตฺวา ปจฺจยุปฺปนฺนสฺส
กุสลาทิภาวปฺปฏิกฺเขปวเสน ธมฺมานํ อนุโลมปจฺจนียตาย ลทฺธนามํ อนุโลม-
ปจฺจนียปฏฺฐานํ ทสฺเสตุํ กุสลํ ธมฺมํ ปฏิจฺจ นกุสโล ธมฺโม อุปฺปชฺชติ
เหตุปจฺจยาติอาทิ อารทฺธํ. ตตฺถ กุสลํ ธมฺมํ ปฏิจฺจาติ กุสลสฺส ปจฺจยภาวํ
อนุชานาติ, นกุสโล ธมฺโม อุปฺปชฺชตีติ กุสลสฺส อุปฺปตฺตึ วาเรติ. ตสฺมา
"กุสเล ขนฺเธ ปฏิจฺจ จิตฺตสมุฏฺฐานํ รูปนฺ"ติอาทินา นเยน วิสฺสชฺชนํ ทสฺสิตํ,
ตํ สพฺพํ ปาลึ โอโลเกตฺวา สาธุกํ สลฺลกฺเขตพฺพํ. ยญฺหิ ๑- เยน สทิสํ, ยญฺจ
ยตฺถ ลพฺภติ, โย จ เยสํ วิสฺสชฺชนานํ เยสุ ปจฺจเยสุ คณนปริจฺเฉโท, โส
สพฺโพ ปาลิยํ ทสฺสิโต, ตสฺมา ปาลิเยเวตฺถ อตฺโถ. ยถา เจตฺถ, เอวํ
ทุกปฏฺฐานาทีสุปีติ.
     เอตฺตาวตา:-
                    ติกญฺจ ปฏฺฐานวรํ ทุกุตฺตมํ
                    ทุกํ ติกญฺเจว ติกํ ทุกญฺจ
                    ติกํ ติกญฺเจว ทุกํ ทุกญฺจ
                    ฉ อนุโลมปจฺจนียมฺหิ นยา สุคมฺภีราติ
@เชิงอรรถ:  ฉ.ม. ยมฺปิ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๗๑. http://84000.org/tipitaka/read/attha_page.php?book=55&page=571&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=12899&modeTY=2&pagebreak=1 http://84000.org/tipitaka/atthapali/th_line.php?B=55&A=12899&modeTY=2&pagebreak=1#p571


จบการแสดงผล หน้าที่ ๕๗๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]