อรรถกถาเล่มที่ ๕๕ หน้าที่ ๖๓.

เอตฺตกา ปุคฺคลา อิโต มุจฺจิตฺวา พหิทฺธา นุปฺปชฺชนฺติ, อิมสฺมึเยว สพฺพญฺญุพุทฺธสาสเน อุปฺปชฺชนฺตีติ. เอกกนิทฺเทสวณฺณนา นิฏฺฐิตา. ----------- ๒. ทุกนิทฺเทสวณฺณนา [๔๕] ทุกนิทฺเทเส โกธโนติ กุชฺฌนสีโล มหาโกโธ. เอวํ ปุคฺคลํ ปุจฺฉิตฺวาปิ ธมฺเมเนว ปุคฺคลํ ทสฺเสตุํ ตตฺถ กตโม โกโธติอาทิมาห. อุปนาหีนิทฺเทสาทีสุปิ เอเสว นโย. โกโธ กุชฺฌนาติอาทีนิ เหฏฺฐา วุตฺตตฺถาเนว. ตถา อุปนาหีนิทฺเทสาทีสุ ปุพฺพกาลํ โกโธติอาทีนิ. อยํ โกโธ อปฺปหีโนติ อยํ เอตฺตโก โกโธ วิกฺขมฺภนปฺปหาเนน วา ตทงฺคปฺปหาเนน วา สมุจฺเฉทปฺปหาเนน วา อปฺปหีโน. ปรโต อุปนาหาทีสุปิ เอเสว นโย. [๕๓] อหิริกนิทฺเทสาทีสุ อิมินา อหิริเกนาติ อิมินา เอวมฺปกาเรน อหิริกธมฺเมน สมนฺนาคโต. อิมินา อโนตฺตปฺเปนาติอาทีสุปิ เอเสว นโย. [๖๓] อชฺฌตฺตสญฺโญชโนติ อชฺฌตฺตพนฺธโน. พหิทฺธาสญฺโญชโนติ พหิทฺธาพนฺธโน. เต อุโภปิ วจฺฉกสาลูปมาย ทีเปตพฺพา:- วจฺฉกสาลายญฺหิ อนฺโต พทฺโธ อนฺโตเยว สยิตวจฺฉโก วิย อิธ ฐิตโสตาปนฺนสกทาคามิโน. เตสญฺหิ พนฺธนมฺปิ อิเธว, สยมฺปิ อิเธว. อนฺโต พทฺโธ ปน พหิ สยิตวจฺฉโก วิย รูปารูปภเว โสตาปนฺนสกทาคามิโน. เตสญฺหิ พนฺธนเมว อิธ, สยมฺปน พฺรหฺม- โลเก ฐิตา. พหิ พทฺโธ พหิ สยิตวจฺฉโก วิย รูปารูปภเว อนาคามี. ตสฺส หิ พนฺธนมฺปิ พหิทฺธา, สยมฺปิ พหิทฺธาว. พหิ พทฺโธ ปน อนฺโต สยิตวจฺฉโก วิย อิธฏฺฐิตานาคามี. ^๑- ตสฺส หิ พนฺธนํ รูปารูปภเวสุ, สยมฺปน อิธ ฐิโต. @เชิงอรรถ: ^๑ ฉ.ม. อิธฏฺฐกอนาคามี

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๖๓. http://84000.org/tipitaka/read/attha_page.php?book=55&page=63&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=1371&modeTY=2&pagebreak=1 http://84000.org/tipitaka/atthapali/th_line.php?B=55&A=1371&modeTY=2&pagebreak=1#p63