อรรถกถาเล่มที่ ๖ หน้าที่ ๑๗.

อริยาย วิมุตฺติยา. อิเมหิ โข ภิกฺขเว ฉหิ องฺเคหิ สมนฺนาคโต สนฺธาโน คหปติ ตถาคเต นิฏฺงฺคโต สทฺธมฺเม อิริยตี"ติ. ^๑- โส ปาโตเยว อุโปสถงฺคานิ อธิฏฺาย ปุพฺพณฺหสมเย พุทฺธปฺปมุขสฺส สํฆสฺส ทานํ ทตฺวา ภิกฺขูสุ วิหารํ คเตสุ ฆเร ขุทฺทกมหลฺลกานํ ทารกานํ สทฺเทน อุพฺพาโฬฺห สตฺถุ สนฺติเก "ธมฺมํ โสสฺสามี"ติ นิกฺขนฺโต. เตน วุตฺตํ ทิวาทิวสฺเสว ^๒- ราชคหา นิกฺขมีติ. ตตฺถ ทิวาทิวสฺเสวาติ ทิวสฺส ^๓- ทิวา นาม มชฺฌนฺตาติกฺกโม, ตสฺมึ ทิวสฺสาปิ ทิวาภูเต อติกฺกนฺตมตฺเต มชฺฌนฺติเก นิกฺขมีติ อตฺโถ. ปฏิสลฺลีโนติ ตโต ตโต รูปาทิโคจรโต จิตฺตํ ปฏิสํหริตฺวา นิลีโน ฌานรติเสวนาวเสน เอกีภาวํ คโต. มโนภาวนียานนฺติ มนวฑฺฒกานํ. เย จ อาวชฺชโต มนสิกโรโต จิตฺตํ วินีวรณํ โหติ อุนฺนมติ วฑฺฒติ. [๕๐] อุนฺนาทินิยาติ อาทีนิ โปฏฺปาทสุตฺเต วิตฺถาริตนเยเนว เวทิตพฺพานิ. [๕๑] ยาวตาติ ยตฺตกา. อยํ เตสํ อญฺตโรติ อยํ เตสํ อพฺภนฺตโร เอโก สาวโก วา, ภควโต กิร สาวกา คิหิอนาคามิโนเยว ปญฺจสตา ราชคเห ปฏิวสนฺติ. เยสํ เอเกกสฺส ปจ ปจ อุปาสกสตานิ ปริวารา. เต สนฺธาย "อยํ เตสํ อญฺตโร"ติ อาห. อปฺเปว นามาติ ตสฺส อุปสงฺกมนํ ปฏฺยมาโน อาห. ปฏฺนาการณํ ปน โปฏฺปาทสุตฺเต วุตฺตเมว. [๕๒] เอตทโวจาติ อาคจฺฉนฺโต อนฺตรามคฺเคเยว เตสํ กถาย สุตตฺตา เอตํ อญฺถา โข อิเมติ อาทิวจนํ อโวจ. ตตฺถ อญฺติตฺถิยาติ ทสฺสเนนปิ อากปฺเปนปิ กุตฺเตนปิ อาจาเรนปิ วิหาเรนปิ อิริยาปเถนปิ อญฺเ ติตฺถิยาติ อญฺติตฺถิยา. สงฺคมฺม สมาคมฺมาติ สงฺคนฺตฺวา สมาคนฺตฺวา ราสี ^๔- หุตฺวา นิสินฺนฏฺาเน. อรวนปตฺถานีติ อรญฺวนปตฺถานิ คามูปจารโต มุตฺตานิ ทูรเสนาสนานิ. ปนฺตานิ ทูรตรานิ มนุสฺสูปจารวิหิรตานิ. อปฺปสทฺทานีติ วิหารูปจาเรน คจฺฉโต อทฺธิกชนสฺสาปิ สทฺเทน มนฺทสทฺทานิ. @เชิงอรรถ: ^๑ องฺ. ฉกฺก. ๒๒/๓๙๖/๕๐๐ ^๒ ฉ.ม. ทิวาทิวสฺส @^๓ ฉ.ม., อิ. ทิวสสฺส ^๔ ฉ.ม. ราสิ

เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๑๗. http://84000.org/tipitaka/read/attha_page.php?book=6&page=17&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=6&A=410&pagebreak=1 http://84000.org/tipitaka/atthapali/th_line.php?B=6&A=410&pagebreak=1#p17