ATTHAKATHA Book 9 : PALI ROMAN
Ma.A. (papa–ca.3)
Page 251.

      Acamehiti 1- acamanodakam dehi. Acamitva hatthapade dhovitva mukham
vikkhaletva sattharam namassitukamo evamaha. Sesam sabbattha uttanamevati.
                    Papancasudaniya majjhimanikayatthakathaya
                      piyajatikasuttavannana nitthita.
                           -----------
                        8. Bahitikasuttavannana
      [358] Evamme sutanti bahitikasuttam. Tattha ekapundarikam naganti
evamnamakam hatthim. Tassa kira phasukanam upari talaphalamattam pandaratthanam atthi,
tenassa ekapundarikoti namam akamsu. Sirivaddham mahamattanti paccekahatthim
abhiruhitva kathaphasukattham saddhim gacchantam evamnamakam mahamattam. Ayasma noti ettha
noti pucchaya nipato. Mahamatto therassa sanghatipattadharanakaram sallakkhetva "evam
maharaja"ti aha.
      [359] Oparambhoti 2- oparambham dosam aropanaraho. Kim pucchamiti
raja pucchati. Sundarivatthusmim uppannamidam suttantam pucchamiti pucchati.
Yanhi mayam bhanteti bhante yam mayam vinnuhiti idam padam gahetva panhena paripuretum
nasakkhimha. Tam karanam ayasmata evam vadantena paripuritum.
      [360] Akusaloti akosallasambhuto. Savajjoti sadoso. Sabyapajjhoti 3-
sadukkho. Dukkhavipakoti idha nissandavipako kathito. Tassati tassa evam
attabyabadhadinam atthaya pavattakayasamacarassa.
      Sabbakusaladhammapahino kho maharaja tathagato kusaladhammasamannagatoti
ettha sabbesamyeva akusalanam dhammanam pahanam vannetiti. Ama vannetiti vutte
yatha puccha, tatha attho vutto bhaveyya. Evam byakaranam pana na bhariyam.
@Footnote: 1 Si.,i. acamehiti                  2 tika. oparabbhoti
@3 Ma. sabyapabajjoti


The Pali Atthakatha in Roman Character Volume 9 Page 251.
http://84000.org/tipitaka/read/attha_page.php?book=9&page=251&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=9&A=6322&modeTY=2&pagebreak=1
http://84000.org/tipitaka/atthapali/rm_line.php?B=9&A=6322&modeTY=2&pagebreak=1#p251