พระไตรปิฎกเล่มที่ ๑๕ ภาษาบาลี อักษรไทย
พระสุตตันตปิฎกเล่มที่ ๗ สุตฺต. สํ. สคาถวคฺโค

     [๓๕๓]   อถ  โข  ภควา  เอตมตฺถํ  วิทิตฺวา  ตายํ  เวลายํ อิมา
คาถาโย อภาสิ
@เชิงอรรถ: ๑ สี. ยุ. อนฺทูหิ ฯ  ๒ สี. ปวิสิตฺวา ฯ  ๓ สี. ม. ยุ. อยํ ปาโฐ น ทิสฺสติ ฯ
                น ตํ ทฬฺหํ พนฺธนมาหุ ธีรา
                ยทายสํ ทารุชํ ปพฺพชญฺจ ๑-
                สารตฺตรตฺตา มณิกุณฺฑเลสุ
                ปุตฺเตสุ ทาเรสุ จ ยา อเปกฺขา
                เอตํ ทฬฺหํ พนฺธนมาหุ ธีรา
                โอหารินํ สิถิลํ ทุปฺปมุญฺจํ
                เอตมฺปิ เฉตฺวาน ปริพฺพชนฺติ
                อนเปกฺขิโน กามสุขํ ปหายาติ ฯ
                                    ปฐโม วคฺโค ฯ
                                       ตสฺสุทฺทานํ
         รหโท ๒- ปุริโส ราชา               ปิยํ อตฺตานรกฺขิตา ๓-
         อปฺปกา อตฺถกรณา ๔-              มลฺลิกา ยญฺญพนฺธนนฺติ ฯ
                                       ---------------
@เชิงอรรถ: ๑ พพฺพชญฺจาติ วา ปาโฐ ฯ  ๒ ม. ยุ. ทหโร ฯ  ๓ สี. อตฺเตน ฯ ม. ยุ.
@ปิยอตฺตานรกฺขิโต ฯ  ๔ ม. อฏฺฏกรณํ ฯ
                     ทุติยวคฺโค ทุติโย
                         -----
                      ปฐมํ ชฏิลสุตฺตํ
     [๓๕๔]   เอกํ   สมยํ   ภควา   สาวตฺถิยํ   วิหรติ  ปุพฺพาราเม
มิคารมาตุ   ปาสาเท  ฯ  เตน  โข  ปน  สมเยน  ภควา  สายณฺหสมยํ
ปฏิสลฺลานา   วุฏฺฐิโต   พหิทฺวารโกฏฺฐเก   นิสินฺโน  โหติ  ฯ  อถ  โข
ราชา    ปเสนทิโกสโล    เยน   ภควา   เตนุปสงฺกมิ   อุปสงฺกมิตฺวา
ภควนฺตํ อภิวาเทตฺวา เอกมนฺตํ นิสีทิ ฯ
     [๓๕๕]   เตน  โข  ปน  สมเยน  สตฺต  จ  ๑-  ชฏิลา  สตฺต จ
นิคนฺถา   สตฺต   จ   อเจลา   ๒-   สตฺต  จ  เอกสาฏกา  สตฺต  จ
ปริพฺพาชกา    ปรุฬฺหกจฺฉนขโลมา    ขาริวิวิธมาทาย    ๓-    ภควโต
อวิทูเร   อติกฺกมนฺติ  ฯ  อถ  โข  ราชา  ปเสนทิโกสโล  อุฏฺฐายาสนา
เอกํสํ   อุตฺตราสงฺคํ   กริตฺวา   ทกฺขิณชานุมณฺฑลํ   ปฐวิยํ  นิหนฺโต  ๔-
เยน  เต  สตฺต  จ  ชฏิลา  สตฺต จ นิคนฺถา สตฺต จ อเจลา ๕- สตฺต จ
เอกสาฏกา   สตฺต   จ   ปริพฺพาชกา   เตนญฺชลึ  ปณาเมตฺวา  ติกฺขตฺตุํ
นามํ   สาเวสิ   ราชาหํ  ภนฺเต  ปเสนทิโกสโล  ...  ราชาหํ  ภนฺเต
ปเสนทิโกสโลติ   ฯ   อถ   โข  ราชา  ปเสนทิโกสโล  อจิรปกฺกนฺเตสุ
@เชิงอรรถ: สี. จกาโร วชฺชิโต ฯ  ๒-๕ ม. อเจลกา ฯ  ๓ สี. วิวิธํ ฯ ยุ. ขาริวิธํ ฯ
@ทาริวิธํ ฯ  ๔ สี. ยุ. นิหนฺตฺวา ฯ
เตสุ  ๑-  สตฺตสุ  จ  ๒-  ชฏิเลสุ สตฺตสุ จ นิคนฺเถสุ สตฺตสุ จ อเจเลสุ
สตฺตสุ   จ   เอกสาฏเกสุ   สตฺตสุ   จ   ปริพฺพาชเกสุ   เยน  ภควา
เตนุปสงฺกมิ   อุปสงฺกมิตฺวา   ภควนฺตํ  อภิวาเทตฺวา  เอกมนฺตํ  นิสีทิ  ฯ
เอกมนฺตํ   นิสินฺโน   โข   ราชา   ปเสนทิโกสโล  ภควนฺตํ  เอตทโวจ
เย  เต  ๓-  ภนฺเต  โลเก  อรหนฺโต  วา  อรหตฺตมคฺคํ วา สมาปนฺนา
เอเต เตสํ อญฺญตราติ ฯ
     [๓๕๖]   ทุชฺชานํ  โข  เอตํ  มหาราช  ตยา  คิหินา  กามโภคินา
ปุตฺตสมฺพาธสยนํ      อชฺฌาวสนฺเตน     กาสิกจนฺทนํ     ปจฺจนุโภนฺเตน
มาลาคนฺธวิเลปนํ   ธารยนฺเตน   ชาตรูปรชตํ   สาทิยนฺเตน   อิเม  วา
อรหนฺโต    อิเม    วา   อรหตฺตมคฺคํ   สมาปนฺนาติ   สํวาเสน   โข
มหาราช   สีลํ   เวทิตพฺพํ   ตญฺจ   โข   ทีเฆน   อทฺธุนา   น  อิตรํ
มนสิกโรตา    โน    อมนสิการา   ๔-   ปญฺญวตา   โน   ทุปฺปญฺเญน
สํโวหาเรน   โข   มหาราช   โสเจยฺยํ   เวทิตพฺพํ  ตญฺจ  โข  ทีเฆน
อทฺธุนา    น    อิตรํ    มนสิกโรตา    โน   อมนสิการา   ปญฺญวตา
โน    ทุปฺปญฺเญน    อาปทาสุ    โข   มหาราช   ถาโม   เวทิตพฺโพ
โส   จ  โข  ทีเฆน  อทฺธุนา  น  อิตรํ  มนสิกโรตา  โน  อมนสิการา
ปญฺญวตา    โน    ทุปฺปญฺเญน    สากจฺฉาย   โข   มหาราช   ปญฺญา
เวทิตพฺพา   สา   จ   โข   ทีเฆน   อทฺธุนา   น  อิตรํ  มนสิกโรตา
@เชิงอรรถ: ๑ สี. เตสูติ ปาโฐ นตฺถิ ฯ  ๒ สี. จกาโร วชฺชิโต ฯ  ๓ สี. เยน เต ฯ
@๔ สี. ยุ. อมนสิกโรตา ฯ
โน อมนสิการา ปญฺญวตา โน ทุปฺปญฺเญนาติ ฯ
     [๓๕๗]   อจฺฉริยํ   ภนฺเต   อพฺภูตํ   ภนฺเต   ยาว  สุภาสิตญฺจิทํ
ภนฺเต    ภควตา    ทุชฺชานํ   โข   เอตํ   มหาราช   ตยา   คิหินา
กามโภคินา   ฯเปฯ   ปญฺญวตา   โน   ทุปฺปญฺเญนาติ   เอเต   ภนฺเต
มม  ปุริสา  จารา  ๑-  โอจรกา  ๒- ชนปทํ โอจริตฺวา อาคจฺฉนฺติ เตหิ
ปฐมํ   โอจิณฺณํ   อหํ   ปจฺฉา   โอหยิสฺสามิ   ๓-  อิทานิ  เต  ภนฺเต
ตํ    รโชชลฺลํ    ปวาเหตฺวา    สุนฺหาตา   สุวิลิตฺตา   กปฺปิตเกสมสฺสู
โอทาตวตฺถวสนา    ปญฺจหิ    กามคุเณหิ    สมปฺปิตา   สมงฺคิภูตา   มํ
ปริจารยนฺตีติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๑๕ หน้าที่ ๑๑๑-๑๑๕.
https://84000.org/tipitaka/read/pali_item.php?book=15&item=353&items=5&mode=bracket
             อ่านโดยใช้เนื้อความเป็นเกณฑ์แบ่งข้อ :-
https://84000.org/tipitaka/read/pali_item.php?book=15&item=353&items=5
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=15&item=353&items=5&mode=bracket
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=15&item=353&items=5&mode=bracket
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=15&i=353
             สารบัญพระไตรปิฎกเล่มที่ ๑๕
https://84000.org/tipitaka/read/?index_15
https://84000.org/tipitaka/english/?index_15